യൂറോ കപ്പിനുള്ള 26 അംഗ ഇംഗ്ലണ്ട് ടീമിൽ പ്രമുഖ താരങ്ങൾക്ക് ഇടമില്ല. മാഞ്ചസ്റ്റർ സിറ്റിയുടെ മധ്യനിര താരം ജാക്ക് ഗ്രീലിഷ്, മാഞ്ചസ്റ്റർ യുണൈറ്റഡ് പ്രതിരോധ താരം ഹാരി മഗ്വയർ, ടോട്ടൻഹാം ഹോട്സ്പർ മധ്യനിര താരം ജെയിംസ് മാഡിസണും ടീമിൽ ഇടമില്ലെന്നു ദ അത്ലറ്റിക് റിപ്പോർട്ടർ ഡേവിഡ് ഓർണെയിസ്റ്റിൻ റിപ്പോർട്ട് ചെയ്തു. മാഡിസൺ നിലവിൽ ഇംഗ്ലണ്ട് ക്യാമ്പ് വിട്ടു.
കഴിഞ്ഞ സൗഹൃദ മത്സരത്തിൽ ബോസ്നിയക്ക് എതിരെ പകരക്കാരനായി കളിച്ച ഗ്രീലിഷിനു പക്ഷെ യൂറോ ടീമിൽ ഇടം കിട്ടില്ല. അതേസമയം പരിക്ക് ആണ് മഗ്വയറിന് വിനയായത്. ഈ സീസണിൽ മികച്ച പ്രകടനം നടത്തിയ എവർട്ടൺ യുവ പ്രതിരോധ താരം ജറാഡ് ബ്രൈൻത്വെറ്റ്, ലിവർപൂൾ യുവതാരം കർട്ടിസ് ജോൺസ്, ബേർൺലി യുവ ഗോൾ കീപ്പർ ജെയിംസ് ട്രാഫോർഡ് എന്നിവർക്ക് അവസാന 26 അംഗ ടീമിൽ ഇടം കിട്ടില്ല എന്നാണ് റിപ്പോർട്ട്.