കേരള ബ്ലാസ്റ്റേഴ്സ് യുവനിരയുടെ സെമി മോഹങ്ങൾ നടന്നില്ല, ഡൂറണ്ട് കപ്പിൽ നിന്ന് പുറത്ത്

ഡൂറണ്ട് കപ്പിൽ ക്വാർട്ടർ ഫൈനലിൽ കേരള ബ്ലാസ്റ്റേഴ്സ് യുവനിരയുടെ യാത്ര അവസാനിച്ചു. ഇന്ന് നടന്ന ക്വാർട്ടറിൽ കേരള ബ്ലാസ്റ്റേഴ്സ് എതിരില്ലാത്ത മൂന്ന് ഗോളുകളുടെ പരാജയം ആണ് മൊഹമ്മദൻസിൽ നിന്ന് ഏറ്റുവാങ്ങിയത്. കേരള ബ്ലാസ്റ്റേഴ്സിന്റെ യുവനിരക്ക് മൊഹമ്മദൻസിന്റെ ഒന്നാം നിരയോട് ഏറ്റുമുട്ടി നിൽക്കുക എളുപ്പമായിരുന്നില്ല.

17ആം മിനുട്ടിൽ ഫയസിന്റെ ഗോളിലൂടെ ആണ് മൊഹമ്മദൻസ് ആദ്യ പകുതിയിൽ ലീഡ് എടുത്തത്. ആ ഗോളിന്റെ ബലത്തിൽ 1-0ന് മൊഹമ്മദൻസ് ആദ്യ പകുതി അവസാനിപ്പിച്ചു‌‌. കേരള ബ്ലാസ്റ്റേഴ്സിന് എതിർ ഗൊൾ കീപ്പറെ പരീക്ഷിക്കാനെ ആയില്ല.

കേരള ബ്ലാസ്റ്റേഴ്സ്

രണ്ടാം പകുതിയിൽ ദൗദ കൂടെ കളത്തിൽ നിറഞ്ഞാടാൻ തുടങ്ങിയതോടെ മൊഹമ്മദൻസ് കൂടുതൽ ശക്തരായി. അവർ 55ആം മിനുട്ടിൽ ദൗദയിലൂടെ രണ്ടാം ഗോൾ നേടി. 85ആം മിനുട്ടിൽ ദൗദയുടെ ഒരു ഹെഡർ ലീഡ് 3-0 എന്നാക്കി‌. ഇതോടെ അവർ വിജയം ഉറപ്പിച്ചു. മുഹമ്മദ് ഐമനും റോഷനും ചേർന്ന് നടത്തിയ ചില നീക്കങ്ങൾ മാത്രമാണ് കേരള ബ്ലാസ്റ്റേഴ്സിന് ഇന്ന് പ്രതീക്ഷ നൽകിയത്‌.

ചെന്നൈയിനും മുംബൈ സിറ്റിയും തമ്മിലുള്ള ക്വാർട്ടർ ഫൈനൽ വിജയികളെ ആകും മൊഹമ്മദൻസ് സെമിയിൽ നേരിടുക.

Comments are closed.