ഡൂറണ്ട് കപ്പ്; ഗ്രൂപ്പ് എയിൽ തങ്ങളുടെ മൂന്നാം വിജയത്തോടെ മൊഹമ്മദൻസ് നോക്കൗട്ട് റൗണ്ടിലേക്ക് എത്തുന്ന ആദ്യ ടീമായി മാറി. ഇന്ന് ഇന്ത്യൻ എയർ ഫോഴ്സിനെ നേരിട്ട മൊഹമ്മദൻസ് എതിരില്ലാത്ത രണ്ടു ഗോളുകളുടെ വിജയമാണ് നേടിയത്. 33ആം മിനുട്ടിൽ എൻഡിയെ ആണ് മൊഹമ്മദൻസിനായി ആദ്യ ഗോൾ നേടിയത്.
രണ്ടാം പകുതിയിൽ 87ആം മിനുട്ടിലെ രാഹുലിന്റെ ഗോൾ മൊഹമ്മദൻസിന്റെ വിജയം ഉറപ്പിച്ചു. നേരത്തെ എഫ് സി ഗോവയെയും ജംഷദ്പൂരിനെയും മൊഹമ്മദൻസ് തോൽപ്പിച്ചിരുന്നു. മൂന്ന് മത്സരങ്ങളിൽ നിന്ന് 9 പോയിന്റുമായി ഗ്രൂപ്പ് എയിൽ ഒന്നാമതാണ് മൊഹമ്മദൻസ്.