ബാഴ്സലോണ ലോണിൽ അയച്ച ഫുൾബാക്ക് ഡെസ്റ്റ് തിരികെ കാറ്റലൻ ക്ലബിലേക്ക് തന്നെ എത്തു. അമേരിക്കൻ ഫുൾബാക്ക് സെർജിനോ ഡെസ്റ്റിനായുള്ള 20 മില്യൺ യൂറോ വിലമതിക്കുന്ന ബൈ ഓപ്ഷൻ ക്ലോസ് ട്രിഗർ ചെയ്യേണ്ടതില്ലെന്ന് എസി മിലാൻ തീരുമാനിച്ചതായി ഫബ്രിസിയോ റൊമാനോ റിപ്പോർട്ട് ചെയ്യുന്നു. 2022 ലെ സമ്മറിൽ ആയിരുന്നു 20കാരനായ ഡിഫൻഡർ ലോണിൽ മിലാനിൽ ചേർന്നത്, എന്നാൽ ജനുവരി 24 ന് അവസാനമായി പ്രത്യക്ഷപ്പെട്ടതിന് ശേഷം ഇറ്റാലിയൻ ക്ലബിനായി താരം ഇതുവരെ കളിച്ചിട്ടില്ല.
ഇനി സീസൺ അവസാനം ഡെസ്റ്റ് ബാഴ്സലോണയിലേക്ക് മടങ്ങിയെത്തുമെന്ന് പ്രതീക്ഷിക്കുന്നു. അവിടെ അദ്ദേഹത്തിന് 2025 വരെ കരാറുണ്ട്. പരിശീലകനായ സാവി ഹെർണാണ്ടസിന്റെ കീഴിൽ ആദ്യ ടീമിൽ ഇടംനേടുമോ അതോ കൂടുതൽ കളി സമയം നേടുന്നതിനായി ലോണിൽ അയയ്ക്കുമോ എന്നത് വ്യക്തമല്ല. യുവ ഡിഫൻഡറുടെ കരിയറിലെ അടുത്ത ചുവടുകൾ ഇനിയും തീരുമാനിച്ചിട്ടില്ല, ബാഴ്സലോണ താരത്തെ വിൽക്കാൻ തന്നെയാണ് സാധ്യത.