Category: Copa del Rey

കോപ ഡെൽ റേ സെമി ഫൈനലുകൾ തരുമാനം ആയി. സ്പാനിഷ് വമ്പന്മാരായ റയൽ മാഡ്രിഡോ ബാഴ്സലോണയോ ഇല്ലാതെ ഒരു സെമി ഫൈനൽ പത്തു വർഷത്തിനിടയിൽ ഇത് ആദ്യാമാണ്‌. റയലും ബാഴ്സലോണയും മാത്രമല്ല അത്ലറ്റിക്കോ മാഡ്രിഡും ഒപ്പം നിലവിലെ കോപ ഡെൽ റേ ചാമ്പ്യന്മാരായ വലൻസിയയും ഒന്നും ഇത്തവണ സെമിയിൽ ഇല്ല.

ഇത്തവണ അത്ലറ്റിക് ബിൽബാവോ, ഗ്രാനഡ, റയൽ സോസിഡാഡ് ഒപ്പം കുഞ്ഞന്മാരായ മിറാണ്ടസ് എന്നിവരാണ് സെമിയിൽ ഉള്ളത്. സെമിയിൽ അത്ലറ്റിക്ക് ബിൽബാവോ ഗ്രാനഡയെയും, മിറാണ്ടസ് റയൽ സോസിഡാഡിനെയും നേരിടും. ഫെബ്രുവരി 12നും 13നും ആയാകും സെമി ഫൈനലിന്റെ ആദ്യ പാദം നടക്കുക. മാർച്ച് 4,5 തീയതികളിൽ രണ്ടാം പാദവും നടക്കും.

റയൽ മാഡ്രിഡിനു പിന്നാലെ ബാഴ്സലോണയും കോപ ഡെൽ റേയിൽ സെമി ഫൈനൽ കാണാതെ പുറത്ത്. ഇന്നലെ നടന്ന മത്സരത്തിൽ അത്ലറ്റിക്ക് ബിൽബാവോ ആണ് ബാഴ്സലോണയെ പരാജയപ്പെടുത്തിയത്. സെറ്റൊയന്റെ കീഴിൽ വിജയങ്ങൾ കണ്ടെത്താൻ കഷ്ടപ്പെടുന്ന ടീമായി ബാഴ്സലോണ മാറുന്ന കാഴ്ചയാണ് കാണുന്നത്. ഇന്നലെ ഒരു ഇഞ്ച്വറി ടൈം ഗോളിൽ ആയിരുന്നു അത്ലറ്റികിന്റെ വിജയം.

മത്സരത്തിന്റെ അവസാന നിമിഷം ഇനാകി വില്യം ആണ് വിജയ ഗോൾ നേടി 1-0ന്റെ വിജയം സ്വന്തമാക്കിയത്. മെസ്സിയും ഗ്രീസ്മാനും ഒക്കെ ഇറങ്ങി എങ്കിലും ഒരു ഗോൾ കണ്ടെത്താൻ ബാഴ്സക്ക് ആയില്ല. 70 ശതമാനത്തോളം പൊസഷൻ ഇന്നലെയും ബാഴ്സലോണക്ക് ഉണ്ടായിരുന്നു. ടീം തോറ്റെങ്കിലും നല്ല കളിയാണ് കാഴ്ചവെച്ചത് എന്ന് പരിശീലകൻ സെറ്റിയെൻ പറഞ്ഞു. പത്തു വർഷത്തിനിടെ ഇതാദ്യമായാകും ബാഴ്സലോണയും റയൽ മാഡ്രിഡും കോപ ഡെൽ റേയുടെ സെമിയിൽ എത്താതെ ആകുന്നത്.

കോപ്പ ഡെൽ റെ ക്വാർട്ടർ ഫൈനൽ ഡ്രോ പൂർത്തിയായപ്പോൾ വമ്പന്മാരായ ബാഴ്സലോണക്കും റയൽ മാഡ്രിഡിനും താരതമ്യേന ദുർബലരായ എതിരാളികൾ. നിലവിലെ ചാമ്പ്യന്മാരായ വലൻസിയക്കും ബാഴ്സ, റയൽ ടീമുകളെ നേരിടേണ്ടതില്ല എന്നത് ആശ്വാസമാകും.

ബാഴ്സലോണക്ക് എതിരാളികൾ അത്ലറ്റിക് ക്ലബ്ബാണ്. ബാഴ്സക്ക് എവേ മത്സരം ആണെങ്കിൽ റയലിന് സ്വന്തം മൈതാനത്ത് റയൽ സോസീഡാഡ് ആണ് എതിരാളികൾ. വലൻസിയ എവേ മത്സരത്തിൽ ഗ്രനാടയെ നേരിടും. വയ്യ റയൽ എവേ മത്സരത്തിൽ മിറൻഡസിനെയാണ് നേരിടുക.

സ്പെയിനിലെ തങ്ങളുടെ മികച്ച ഫോം റയൽ മാഡ്രിഡ് തുടരുന്നു. ഇന്നലെ കോപ ഡെൽ റേയിൽ ഇറങ്ങിയ റയൽ മാഡ്രിഡ് എതിരാളികളായ റയൽ സരഗോസയെ എളുപ്പത്തിൽ തന്നെ പരാജയപ്പെടുത്തി. മറുപടിയില്ലാത്ത നാലു ഗോളുകൾക്കായിരുന്നു റയൽ മാഡ്രിഡിന്റെ വിജയം. പ്രധാന താരങ്ങൾ പലർക്കും വിശ്രമം നൽകിയാണ് റയൽ ഇന്നലെ ഇറങ്ങിയത്. എന്നിട്ടും എളുപ്പത്തിൽ ജയം കണ്ടെത്താൻ സിദാന്റെ ടീമിനായി.

വരാനെ, ലൊകാസ് വാസ്കസ്,വിനീഷ്യസ് എന്നിവരും ബെൻസീമയും റയലിനു വേണ്ടി ഗോളടിച്ചു തിളങ്ങി. ബെൻസീമ കളിയുടെ അവസാന 17 മിനുട്ട് മാത്രമാണ് കളിച്ചത്. മാർസെലോ ഈ മത്സരത്തോടെ റയൽ മാഡ്രിഡിൽ 500 മത്സരങ്ങൾ എന്ന വലിയ നേട്ടത്തിലും എത്തി.

സ്പെയിനിലെ വമ്പന്മാരായ അത്ലറ്റിക്കോ മാഡ്രിഡിന് ഇന്നലെ നിരാശയുടെ രാത്രി ആയിരുന്നു. ഇന്നലെ കോപ ഡെൽ റേയിൽ ഇറങ്ങിയ അത്ലറ്റിക്കോ കുഞ്ഞന്മാരായ‌ കൾചറൽ ലിയോണെസയോട് പരാജയപ്പെട്ട് ടൂർണമെന്റിൽ നിന്ന് പുറത്തായി. എക്സ്ട്രാ ടൈം വരെ നീണ്ടു നിന്ന പോരാട്ടത്തിൽ ഒന്നിനെതിരെ രണ്ടു ഗോളുകൾക്കായിരുന്നു ലിയോണെസയുടെ വിജയം.

മത്സരത്തിന്റെ 62ആം മിനുട്ടിൽ കൊറേയയിലൂടെ അത്ലറ്റിക്കോ തന്നെയാണ് ആദ്യ ലീഡ് എടുത്തത്. എന്നാൽ വിടാതെ പൊരുതിയ ലിയോണെസ കളിയുടെ 83ആം മിനുട്ടിൽ കസ്റ്റനെഡയുടെ ഗോളിൽ സമനില പിടിച്ചു. നിശ്ചിത സമയം കഴിഞ്ഞ് എക്സ്ട്രാ ടൈമിലേക്ക് നീണ്ട മത്സരത്തിൽ 108ആം മിനുട്ടിൽ സെർജിയോ ബെനിറ്റോയിലൂടെ കൾചറലിന്റെ വിജയ ഗോളും വന്നു. ഗോളടിക്കാൻ ഈ സീസണിൽ കഷ്ടപ്പെടുന്ന സിമിയോണിയുടെ ടീം ഇന്നലെയും ഒരുപാട് അവസരങ്ങളാണ് തുലച്ചു കളഞ്ഞത്.

സ്പെയിനിലെ തങ്ങളുടെ മികച്ച ഫോം റയൽ മാഡ്രിഡ് തുടരുന്നു. ഇന്നലെ കോപ ഡെൽ റേയിൽ ഇറങ്ങിയ റയൽ മാഡ്രിഡ് യു ഡി സാലമങ്കയെ എളുപ്പത്തിൽ തന്നെ പരാജയപ്പെടുത്തി. ഒന്നിനെതിരെ മൂന്നു ഗോളുകൾക്കായിരുന്നു റയൽ മാഡ്രിഡിന്റെ വിജയം. പ്രധാന താരങ്ങൾ പലർക്കും വിശ്രമം നൽകിയാണ് റയൽ ഇന്നലെ ഇറങ്ങിയത്.

ബെയ്ലും ബ്രാഹിം ഡയസും റയലിനു വേണ്ടി ഗോളടിച്ചു തിളങ്ങി. ഒരു സെൽഫ് ഗോളും സിദാന്റെ ടീമിന് സംഭാവനയായി ലഭിച്ചു. റൊമേരോ മൊറില്ലോ ആണ് സലമങ്കയുടെ ആശ്വാസ ഗോൾ നേടിയത്.

കോപ ഡെൽറെയിൽ ഇന്ന് ബാഴ്സലോണ ഒരു നാണക്കേട് തന്നെ നേരിടേണ്ടി വന്നേനെ. ഇന്ന് കുഞ്ഞന്മാരായ ഇബിസയെ നേരിട്ട ബാഴ്സലോണ 72 മിനുട്ടോളം ഒരു ഗോളിന് പിന്നിട്ട് നിന്ന ശേഷമാണ് ഇന്ന് വിജയം സ്വന്തമാക്കിയത്. തുടക്കത്തിൽ 9ആം മിനുട്ടിൽ ആയിരുന്നു ബാഴ്സലോണയെ ഞെട്ടിച്ച് ഗോൾ ഇബിസ നേടിയത്. കബലെയുടെ വകയായിരുന്ന്യ് ആ ഗോൾ.

മെസ്സിയും സുവാരസും ഒന്നുമില്ലാത്ത ബാഴ്സലോണ ടൂർണമെന്റിൽ നിന്ന് പുറത്തേക്കാണോ എന്ന ഭയം വരെ ബാഴ്സലോണ ആരാധകർക്ക് തോന്നി. അപ്പോഴാണ് ഗ്രീസ്മൻ രക്ഷയ്ക്ക് എത്തിയത്. 72ആം മിനുട്ടിൽ ഡിയോങിന്റെ പാസിൽ നിന്നായിരുന്നു ഗ്രീസ്മന്റെ ആദ്യ ഗോൾ. പിന്നാലെ ഇഞ്ച്വറിൽ ടൈമിൽ ഇബിസയുടെ ഹൃദയം തകർത്തുകൊണ്ട് ഗ്രീസ്മൻ വിജയ ഗോളും നേടി.

കോപ ഡെൽ റേ മൂന്നാം റൗണ്ട് മത്സരങ്ങൾക്കായുള്ള ഫിക്സ്ചറുകൾ തീരുമാനമായി. ലാലിഗയിൽ വൻ ക്ലബ്ബുകൾക്കെല്ലാം ചെറിയ എതിരാളികളെയാണ് കിട്ടിയിരിക്കുന്നത്. കഴിഞ്ഞ സീസണിലെ റണ്ണേഴ്സ് അപ്പായ ബാഴ്സലോണക്ക് യു ഡി സി ഇബിസ ആണ് എതിരാളികൾ. റയൽ മാഡ്രിഡിനെ യുണിയനിസ്റ്റാസ് എഫ് സി നേരിടും. സി ഡി ലിയെനോസ ആണ് അത്ലറ്റിക്കോ മാഡ്രിഡിന്റെ എതിരാളികൾ.

നിലവിലെ ചാമ്പ്യന്മാരായ വലൻസിയ ലോഗ്രോൺസിനെ നേരിടും. ഈ മാസം അവസാനമായിരിക്കും മൂന്നാം റൗണ്ട് മത്സരങ്ങൾ നടക്കുക.

ഫിക്സ്ചറുകൾ;

Ibiza-Barcelona

Logroñés-Valencia

Cultural Leonesa-Atlético de Madrid

Unionistas-Real Madrid

Ebro-Leganés

Badajoz-Eibar

Badalona-Granada

Recreativo-Osasuna

Ray Vallecano-Betis

Mirandés-Celta

Tenerife-Valladolid

Girona-Villarreal

Elche-Athletic

Zaragoza-Mallorca

Seville-Levante

Real Sociedad-Espanyol

ഇന്ന് നടക്കുന്ന കോപ ഡെൽ റേ ഫൈനൽ പോരാട്ടത്തിനായുള്ള സ്ക്വാഡ് ബാഴ്സലോണ പ്രഖ്യാപിച്ചു. സ്പെയിനിലെ ഡബിൾ പൂർത്തിയാക്കാൻ ഉദ്ദേശിക്കുന്ന ബാഴ്സലോണ 25 അംഗ ടീമിനെയാണ് പ്രഖ്യാപിച്ചിരിക്കുന്നത്. പരിക്ക് കാരണം ഇന്ന് കളത്തിലിറങ്ങാൻ പറ്റില്ല എന്ന് ഉറപ്പായ പലരെയും സ്ക്വാഡിൽ ബാഴ്സലോണ ഉൾപ്പെടുത്തിയിട്ടുണ്ട്.

ടെർ സ്റ്റേഗൻ, സുവാരസ്, ഡെംബലെ, ആർതർ, കൗട്ടീനോ, റഫീന, പ്രിൻസ് ബോട്ടങ് തുടങ്ങിയവരെല്ലാം പരിക്കിന്റെ പിടിയിലാണെങ്കിലും ടീമിൽ ഉണ്ട്‌. വലൻസിയയെ ആണ് ബാഴ്സലോണ ഇന്ന് ഫൈനലിൽ നേരിടുക.

ബാഴ്സലോണ സ്ക്വാഡ്;