കോപ ഡെൽ റേ സെമി ഫൈനലുകൾ തരുമാനം ആയി. സ്പാനിഷ് വമ്പന്മാരായ റയൽ മാഡ്രിഡോ ബാഴ്സലോണയോ ഇല്ലാതെ ഒരു സെമി ഫൈനൽ പത്തു വർഷത്തിനിടയിൽ ഇത് ആദ്യാമാണ്. റയലും ബാഴ്സലോണയും മാത്രമല്ല അത്ലറ്റിക്കോ മാഡ്രിഡും ഒപ്പം നിലവിലെ കോപ ഡെൽ റേ ചാമ്പ്യന്മാരായ വലൻസിയയും ഒന്നും ഇത്തവണ സെമിയിൽ ഇല്ല.
ഇത്തവണ അത്ലറ്റിക് ബിൽബാവോ, ഗ്രാനഡ, റയൽ സോസിഡാഡ് ഒപ്പം കുഞ്ഞന്മാരായ മിറാണ്ടസ് എന്നിവരാണ് സെമിയിൽ ഉള്ളത്. സെമിയിൽ അത്ലറ്റിക്ക് ബിൽബാവോ ഗ്രാനഡയെയും, മിറാണ്ടസ് റയൽ സോസിഡാഡിനെയും നേരിടും. ഫെബ്രുവരി 12നും 13നും ആയാകും സെമി ഫൈനലിന്റെ ആദ്യ പാദം നടക്കുക. മാർച്ച് 4,5 തീയതികളിൽ രണ്ടാം പാദവും നടക്കും.