Category: Copa America

ജൂലൈ 15 നു നടക്കുന്ന കോപ്പ അമേരിക്ക ഫൈനൽ അർജന്റീന ജേഴ്‌സിയിലെ തന്റെ അവസാന മത്സരം ആയിരിക്കും എന്ന് പ്രഖ്യാപിച്ചു ഏഞ്ചൽ ഡി മരിയ. നേരത്തെ തന്നെ ഈ കോപ്പ അമേരിക്കക്ക് ശേഷം താൻ രാജ്യാന്തര ഫുട്‌ബോളിൽ നിന്നു വിരമിക്കും എന്നു 36 കാരനായ അർജന്റീന താരം പറഞ്ഞിരുന്നു. നേരത്തെ ലോകകപ്പ് കഴിഞ്ഞു വിരമിക്കും എന്നു പറഞ്ഞ താരം പിന്നീട് തീരുമാനം മാറ്റുക ആയിരുന്നു. എന്നാൽ നിലവിൽ ഫൈനൽ തന്റെ അവസാന മത്സരം ആണെന്ന് താരം വ്യക്തമാക്കി. കളിക്ക് മുമ്പ് തനിക്ക് വേണ്ടി ഫൈനലിൽ എത്തണം എന്നു മെസ്സി പറഞ്ഞത് ആയി വ്യക്തമാക്കിയ ഡി മരിയ കൂടെയുള്ള താരങ്ങളിൽ അഭിമാനം ഉണ്ടെന്നും കൂട്ടിച്ചേർത്തു. രാജ്യത്തിനു ആയി അവസാന മത്സരം കളിക്കാൻ താൻ മാനസികമായി തയ്യാറല്ല പക്ഷെ ഇതാണ് സമയം ഫൈനലിൽ എന്ത് സംഭവിച്ചാലും തനിക്ക് തല ഉയർത്തി മടങ്ങാം എന്നു ഡി മരിയ പറഞ്ഞു.

ഇത് വരെ താൻ രാജ്യത്തിനു ആയി എല്ലാം നൽകിയത് ആയി പറഞ്ഞ ഡി മരിയ തന്റെ ജീവൻ തന്നെ രാജ്യത്തിനു ആയി നൽകിയാണ് എന്നും അർജന്റീന ജേഴ്സിയിൽ കളിച്ചത് എന്നും കൂട്ടിച്ചേർത്തു. തന്നെ പിന്തുണച്ച എല്ലാവരോടും നന്ദി പറയുന്നത് ആയും താരം കാനഡക്ക് എതിരായ സെമിഫൈനൽ വിജയ ശേഷം കൂട്ടിച്ചേർത്തു. അർജന്റീനക്ക് ആയി ലോകകപ്പ് ഫൈനൽ, കോപ്പ അമേരിക്ക ഫൈനൽ, ഫൈനലിസിമ ഫൈനൽ, ഒളിമ്പിക്സ് ഫൈനൽ എന്നിവയിൽ ഗോൾ അടിച്ചു കിരീടം ഉയർത്തിയ ഡി മരിയ മെസ്സിക്ക് ഒപ്പം ഈ കാലത്ത് അർജന്റീനയുടെ നേട്ടങ്ങളിൽ നിർണായക പങ്ക് തന്നെയാണ് വഹിച്ചത്. ഡി മരിയക്ക് ആരാധകർ കണ്ണീരോടെയാവും യാത്ര പറയുക. കോപ്പ അമേരിക്ക കിരീടം ഉയർത്തി കളം വിടാൻ ആവും ഡി മരിയയും അർജന്റീന ടീമും ഫൈനലിൽ ഇറങ്ങുക എന്നുറപ്പാണ്.

ഇന്ന് കോപ അമേരിക്ക സെമി ഫൈനലിൽ അർജന്റീനയുടെ ഹീറോ ആയ എമി മാർട്ടിനസ് ഇന്ന് ഇക്വഡോറിൽ നിന്ന് വലിയ വെല്ലുവിളി ആണ് അർജന്റീനക്ക് നേരിടേണ്ടി വന്നത് എന്ന് സമ്മതിച്ചു. ഇക്വഡോർ വലിയ പ്രകടനമാണ് നടത്തിയത്. അവർ പലപ്പോഴും ഞങ്ങളുടെ ഡിഫൻസിന് തലവേദന ആയി. എന്നാൽ ഇവരിൽ നിന്ന് ഇത്തരം ഒരു പ്രകടനം തന്നെ ആയിരുന്നു പ്രതീക്ഷിച്ചത്. മത്സര ശേഷം എമി പറഞ്ഞു.

ഇന്ന് തോറ്റ് നാട്ടിലേക്ക് മടങ്ങി പോകാൻ ഞാൻ ഒരുക്കമായിരുന്നില്ല. ഞാൻ സഹതാരങ്ങളോട് അത് പറഞ്ഞിരുന്നു. ലോകകപ്പും കോപ അമേരിക്കയും എല്ലാം ഇതിനകം ജയിച്ചു എങ്കിലും ഈ ടീം ഇനിയും മുന്നോട്ട് പോകാൻ അർഹിക്കുന്നുണ്ട് എന്ന് താൻ വിശ്വസിക്കുന്നു‌. എമി പറഞ്ഞു.

ഇന്ന് പെനാൾട്ടി ഷൂട്ടൗട്ടിൽ രണ്ട് നിർണായക സേവുകൾ നടത്താൻ എമിക്ക് ആയിരുന്നു. ഇത് സ്ഥിരമായി നടത്തുന്ന പരിശീലനങ്ങളുടെ ഫലമാണെന്ന് എമി പറഞ്ഞു. പരിശീലന സെഷനിൽ ദിവസവും 500ൽ അധികം ഷൂട്ടുകൾ താൻ ഫേസ് ചെയ്യുന്നുണ്ട്. എമി പറഞ്ഞു.

കോപ അമേരിക്കയിൽ നിലവിലെ ചാമ്പ്യന്മാരായ അർജന്റീന സെമി ഫൈനലിൽ. ഇന്ന് നടന്ന ക്വാർട്ടർ പോരാട്ടത്തിൽ ഇക്വഡോറിനെ തോൽപ്പിച്ച് ആണ് അർജന്റീന സെമിയിലേക്ക് മുന്നേറിയത്. പെനാൾട്ടി ഷൂട്ടൗട്ട് വരെ നീണ്ട മത്സരത്തിൽ 4-2ന് ജയിക്കാൻ അർജന്റീനക്ക് ആയി. മെസ്സി ഷൂട്ടൗട്ടിൽ കിക്ക് നഷ്ടപ്പെടുത്തി എങ്കിലും എമിയുടെ സേവുകൾ ആണ് അർജന്റീനയെ രക്ഷിച്ചത്.

ഇന്ന് മത്സരത്തിന്റെ തുടക്കത്തിൽ ഇക്വഡോർ ആണ് നല്ല അവസരങ്ങൾ സൃഷ്ടിച്ചത്‌. ആദ്യ പകുതിയിൽ എമി മാർട്ടിനസിന്റെ ഒരു മികച്ച സേവ് ആണ് ഇക്വഡോറിനെ തടഞ്ഞത്. മത്സരത്തിൽ 35ആം മിനുട്ടിൽ മെസ്സി എടുത്ത കോർണറിൽ നിന്ന് അർജന്റീനയുടെ ആദ്യ ഗോൾ വന്നു. മെസ്സിയുടെ കോർണർ മകാലിസ്റ്റർ ഫ്ലിക്ക് ചെയ്തു, ഫാർ പോസ്റ്റിൽ നിന്ന ലിസാൻഡ്രോ മാർട്ടിനസ് ആ പന്ത് ലക്ഷ്യത്തിൽ എത്തിച്ചു. സ്കോർ 1-0.

രണ്ടാം പകുതിയിൽ 62ആം മിനുട്ടിൽ ഇക്വഡോറിന് ഒരു പെനാൾട്ടി ലഭിച്ചു‌. ഹാൻഡ് ബോളിന് ലഭിച്ച പെനാൾട്ടി എടുത്ത ഇന്നർ വലൻസിയക്ക് പക്ഷെ പന്ത് ലക്ഷ്യത്തിൽ എത്തിക്കാൻ ആയി. വലൻസിയയുടെ കിക്ക് പോസ്റ്റി തട്ടി പുറത്ത് പോയി.

ഇക്വഡോർ ഇതിലും തളർന്നില്ല. അവർ പൊരുതി അവസാന 93ആം മിനുട്ടിൽ കെവിൻ റോഡ്രിഗസിലൂടെ ഇക്വഡോർ സമനില കണ്ടെത്തി. ഇക്വഡോർ അർഹിച്ച സമനില ആയിരുന്നു ഇത്. ഫൈനൽ വിസിൽ വരെ കളി 1-1 എന്ന് തുടർന്നു. എക്സ്ട്രാ ടൈം ഇല്ലാത്തതിനാൽ കളി നേരെ ഷൂട്ടൗട്ടിലേക്ക്.

ലയണൽ മെസ്സി ആണ് അർജന്റീനയുടെ ആദ്യ കിക്ക് എടുത്തത്. മെസ്സിയുടെ കിക്ക് പോസ്റ്റിൽ തട്ടി പുറത്തേക്ക്. പക്ഷെ ഇക്വഡോറിന്റെ ആദ്യ കിക്ക് തടഞ്ഞു കൊണ്ട് എമി മാർട്ടിനസ് അർജന്റീനയുടെ രക്ഷയ്ക്ക് എത്തി. ഹൂലിയൻ ആൽവരസ് എടുത്ത അർജന്റീനയുടെ രണ്ടാം കിക്ക് ലക്ഷ്യത്തിൽ. ഇക്വഡോറിന്റെ രണ്ടാം കിക്കും എമി തടഞ്ഞു.

അർജന്റീനയുടെ മൂന്നാം കിക്ക് എടുത്ത മകാലിസ്റ്റർ ലക്ഷ്യം കണ്ടും ഇക്വഡോറും അവരുടെ മൂന്നാം കിക്ക് ലക്ഷ്യത്തിൽ എത്തിച്ചു. അർജന്റീന 2-1ന് മുന്നിൽ. അടുത്ത കിക്ക് മോണ്ടിനെൽ ലക്ഷ്യത്തിൽ എത്തിച്ചു. കൈസേഡോ ഇക്വഡോറിനായും ഗോളടിച്ചു. സ്കോർ 3-2. അർജന്റീനയുടെ അവസാന കിക്ക് എടുത്ത ഒടമെൻഡി പന്ത് വലയിൽ എത്തിച്ചതോടെ അർജന്റീന ജയം ഉറപ്പിച്ചു.

ഇനി കാനഡയും വെനിസ്വേലയും തമ്മിലുള്ള ക്വാർട്ടർ പോരിലെ വിജയികളെ ആകും അർജന്റീന സെനി ഫൈനലിൽ നേരിടുക.