നെയ്മർ കോപ അമേരിക്കയ്ക്കായി ബ്രസീൽ ക്യാമ്പിൽ എത്തി

Newsroom

Download the Fanport app now!
Appstore Badge
Google Play Badge 1

കോപ അമേരിക്കയ്ക്ക് ആയിരുന്നു ഒരുങ്ങുന്ന ബ്രസീൽ ടീമിന് ആവേശമായി കൊണ്ട് നെയ്മർ ക്യാമ്പിൽ എത്തി. താരം ഇന്ന് മുതൽ ടീമിനൊപ്പം പരിശീലനവും ആരംഭിച്ചു. വിവിധ പരിക്കുകൾ കാരണം ദയനീയ സീസണായിരുന്നു ഇത്തവണ നെയ്മറിന്. പി എസ് ജിയിൽ സീസണിൽ 4 മാസത്തോളം നെയ്മർ കളിക്കാതെ ഇരിക്കേണ്ടി വന്നു. ആ നിരാശ കോപ അമേരിക്കയിൽ മാറ്റാമെന്നാണ് നെയ്മർ കരുതുന്നത്.

സ്വന്തം നാട്ടിലാണ് ടൂർണമെന്റ് നടക്കുന്നത് എന്നതു കൊണ്ട് തന്നെ ബ്രസീൽ കിരീടം നേടാൻ ആകുമെന്ന വിശ്വാസത്തിലാണ്. കോപ അമേരിക്കയ്ക്ക് മുമ്പായി ജൂൺ 5ൻ ഖത്തറിനെതിരെയും, ജൂൺ 9ന് ഹോണ്ടുറാസിനെതിരെയും ബ്രസീൽ സൗഹൃദ മത്സരം കളിക്കുന്നുണ്ട്. ജൂൺ 14നാണ് കോപ അമേരിക്ക ആരംഭിക്കുന്നത്. ബൊളീവിയ, വെനിസ്വേല, പെറു എന്നീ ടീമുകളാണ് ബ്രസീലിന്റെ ഗ്രൂപ്പിൽ ഉള്ളത്.