അർജന്റീനക്ക് ശേഷം കോപ്പ അമേരിക്ക ടൂര്ണമെന്റുകളുടെ ചരിത്രത്തിൽ ഒരു അപൂർവ നേട്ടം കൈവരിക്കാൻ ഒരുങ്ങുകയാണ് ചിലി. കഴിഞ്ഞ രണ്ടു കോപ്പ അമേരിക്ക ടൂർണമെന്റുകളിലും ചിലി ആയിരുന്നു ജേതാക്കൾ ആയത്. 2015ലും 2016ലും അർജന്റീനയെ പെനാൽറ്റി ഷൂട്ടൗട്ടിൽ പരാജയപ്പെടുത്തിയാണ് ചിലി കോപ്പ അമേരിക്ക നേടിയത്. തുടർച്ചയായി മൂന്നാമത്തെ കോപ്പ അമേരിക്ക നേടാൻ ഒരുങ്ങുകയാണ് ചിലി ഇപ്രാവശ്യം.
ഈ കോപ്പ അമേരിക്ക കൂടെ വിജയിക്കാനായാൽ അർജന്റീനക്ക് ശേഷം തുടർച്ചയായി മൂന്ന് കോപ്പ അമേരിക്ക നേടുന്ന ആദ്യത്തെ ടീമായി മാറും ചിലി. 1945, 1946, 1947 വർഷങ്ങളിൽ ആയിരുന്നു അർജന്റീന തുടർച്ചയായി കോപ്പ അമേരിക്ക വിജയിച്ചത്. ഇതിനു മുൻപ് ബ്രസീൽ, ഉറുഗ്വായ് ടീമുകൾ ആണ് തുടർച്ചയായി രണ്ടു തവണയെങ്കിലും കോപ്പ അമേരിക്ക വിജയിച്ചിട്ടുള്ളത്.