2019ൽ ബ്രസീലിൽ നടക്കുന്ന കോപ്പ അമേരിക്ക ടൂര്ണമെന്റിനുള്ള വേദികൾ പ്രഖ്യാപിച്ചു. 6 സ്റ്റേഡിയങ്ങളിലാണ് മത്സരങ്ങൾ നടക്കുക. പ്രസിദ്ധമായ മറക്കാന സ്റ്റേഡിയത്തിൽ വെച്ചാണ് ഫൈനൽ മത്സരം. 2014ൽ ബ്രസീലിൽ നടന്ന ലോകകപ്പിലെ ഫൈനലിനും മറക്കാന വേദിയായിരുന്നു.
ഉദഘാടന മത്സരം സാവോ പോളോയിലെ മോറുമ്പി സ്റ്റേഡിയത്തിൽ വെച്ചാണ് നടക്കുക. സെമി ഫൈനൽ മത്സരങ്ങൾ പോർട്ടോ ആലെഗ്രിയിലെ അറീന ദോ ഗ്രീമിയോയിലും ബെലോ ഹൊറിസോന്റെയിലെ മിനിറവോ സ്റ്റേഡിയത്തിൽ വെച്ചും നടക്കും. അടുത്ത കൊല്ലം ജൂൺ 14 മുതൽ ജൂലൈ 7 വരെയാണ് കോപ്പ അമേരിക്ക. ഇത്തവണ 10 സൗത്ത് അമേരിക്കൻ രാജ്യങ്ങൾക്ക് പുറമെ ഏഷ്യയിൽ നിന്നുള്ള ഖത്തറും ജപ്പാനും ടൂർണമെന്റിൽ പങ്കെടുക്കുന്നുണ്ട്.