ചെന്നൈ സിറ്റിയുടെ ബാക്കിയുള്ള എഫ് എഫ് സി കപ്പ് ഗ്രൂപ്പ് മത്സരങ്ങൾ മാൽഡീവ്സിൽ നടക്കും. കൊറോണ കാരണം എ എഫ് സി കപ്പിലെ മത്സരങ്ങൾ ഒക്കെ ഒരൊറ്റ സ്ഥലത്ത് വെച്ച് നടത്താൻ ഏഷ്യൻ ഫുട്ബോൾ കോൺഫെഡറേഷൻ തീരുമാനിച്ചിരുന്നു. മാൽഡീവ്സ് ആതിഥ്യം വഹിക്കാൻ സന്നദ്ധരായതോടെയാണ് കളി മാൾഡീവ്സിലേക്ക് മാറ്റാൻ തീരുമാനിച്ചത്. ഒക്ടോബറിൽ ആകും ബാക്കി മത്സരങ്ങൾ നടക്കുക.
ഗ്രൂപ്പിൽ ഇനിയും അഞ്ചു മത്സരങ്ങൾ ചെന്നൈ സിറ്റിക്ക് ബാക്കിയുണ്ട്. ഒരു മത്സരം ഇതിനകം തന്നെ കളിച്ച ചെന്നൈ സിറ്റിക്ക് ഇനി ഒക്ടോബർ 26നും 29നും ബംഗ്ലാദേശ് ക്ലബായ ബസുന്ദര കിങ്സിനെ നേരിടും. മസിയ സ്പോർട്സ്, മാൽഡീവ്സ് ക്ലബായ ടി സി സ്പോർട്സ് എന്നിവരും ചെന്നൈ സിറ്റിയുടെ ഗ്രൂപ്പിൽ ഉണ്ട്. ഗ്രൂപ്പ് ഘട്ടത്തിലെ ആദ്യ മത്സരത്തിൽ ചെന്നൈ സിറ്റി മാസിയയോട് സമനില വഴങ്ങിയിരുന്നു.