വനിതാ സൂപ്പർ ലീഗ് കിരീടം ചെൽസി സ്വന്തമാക്കും എന്ന് ഏതാണ്ട് ഉറപ്പാകുന്നു. ഇന്ന് അവർ നിർണായക മത്സരത്തിൽ ആഴ്സണലിനെ തോൽപ്പിച്ചതോടെ രണ്ടാം സ്ഥാനക്കാരായ മാഞ്ചസ്റ്റർ യുണൈറ്റഡിനെക്കാൾ 5 പോയിന്റ് മുന്നിൽ എത്തി. ഇന്ന് മാഞ്ചസ്റ്റർ യുണൈറ്റഡ് മാഞ്ചസ്റ്റർ സിറ്റിയെ പരാജയപ്പെടുത്തിയില്ല എങ്കിൽ ചെൽസിക്ക് കിരീടം ഉറപ്പാകും. അല്ലെങ്കിൽ ലീഗിലെ അവസാന മത്സരത്തിൽ വിജയിച്ചാലും മതി.
ഇന്ന് ആഴ്സണലിന് എതിരെ 2-0 എന്ന സ്കോറിനാണ് ചെൽസി വിജയിച്ചത്. ഗുരോ റൈറ്റനും മഗ്ദെലന എറിക്സണും ആണ് ചെൽസിക്കായി ഗോൾ നേടിയത്. ഈ വിജയത്തോടെ ചെൽസി 21 മത്സരങ്ങളിൽ നിന്ന് 55 പോയിന്റിൽ എത്തി. 20 മത്സരങ്ങളിൽ നിന്ന് മാഞ്ചസ്റ്റർ യുണൈറ്റഡിന് 50 പോയിന്റ് ആണുള്ളത്. അവസാന മൂന്ന് സീസണിലും ചെൽസി തന്നെയാണ് ലീഗ് കിരീടം നേടിയത്.