Category: Championship

ഇംഗ്ലീഷ് രണ്ടാം ഡിവിഷൻ ആയ ചാമ്പ്യൻഷിപ്പ് ക്ലബ് ഡാർബി കൗണ്ടി മൂന്നാം ഡിവിഷൻ ആയ ലീഗ് വണ്ണിലേക്ക് തരം താഴ്ത്തപ്പെട്ടു. സാമ്പത്തിക ക്രമക്കേട് കാരണം 21 പോയിന്റുകൾ പിഴയും ആയി ആയിരുന്നു ഡാർബി കൗണ്ടി ഈ സീസണിൽ കളത്തിൽ ഇറങ്ങിയത്. പരിശീലകൻ ആയി ഇറങ്ങിയ ഇംഗ്ലീഷ് ഇതിഹാസം വെയിൻ റൂണിയുടെ മികച്ച ശ്രമങ്ങൾക്കും ടീമിനെ പക്ഷെ തരം താഴ്ത്തലിൽ നിന്നു രക്ഷിക്കാൻ ആയില്ല.

കഴിഞ്ഞ മത്സരത്തിൽ ലീഗിൽ ഒന്നാമതുള്ള ഫുൾ ഹാമിനെ വീഴ്ത്തിയ ഡാർബി കൗണ്ടി ഇത്തവണ പക്ഷെ ക്വീൻസ് പാർക് റേഞ്ചേഴ്‌സിനോട് ഒരു ഗോളിന് പരാജയം ഏറ്റുവാങ്ങി. ഇതോടൊപ്പം റെഡിങ് സ്വാൻസി സിറ്റിയോട് സമനില പാലിച്ചതോടെ ഡാർബി കൗണ്ടിയുടെ തരം താഴ്ത്തൽ ഉറപ്പിക്കുക ആയിരുന്നു. 4-1 നു പിറകിൽ നിന്ന ശേഷം 95 മത്തെ മിനിറ്റിൽ റെഡിങ് 4-4 നു സമനില പിടിക്കുക ആയിരുന്നു. 24 ക്ലബുകൾ ഉള്ള ചാമ്പ്യൻഷിപ്പിൽ 23 മതുള്ള ഡാർബി കൗണ്ടി 1992 നു ശേഷം ഇത് ആദ്യമായാണ് മൂന്നാം ഡിവിഷനിലേക്ക് തരം താഴ്ത്തപ്പെടുന്നത്. അടുത്ത സീസണിൽ റൂണി ഡാർബി കൗണ്ടിക്ക് ഒപ്പം തുടരുമോ എന്നു ഇപ്പോൾ വ്യക്തമല്ല.

ഷെഫീൽഡ് യുണൈറ്റഡ് അവരുടെ പരിശീലകൻ സ്ലാവിസ ജോക്കനോവിച്ചിനെ പുറത്താക്കുകയും നാലര വർഷത്തെ കരാറിൽ പകരം പോൾ ഹെക്കിംഗ്ബോട്ടമിനെ നിയമിക്കുകയും ചെയ്തു. വാറ്റ്‌ഫോർഡിനും ഫുൾഹാമിനുമൊപ്പം പ്രീമിയർ ലീഗിലേക്ക് പ്രമോഷൻ നേടിയ ജോക്കനോവിച്ച് കഴിഞ്ഞ മെയ് മാസത്തിൽ ആയിരുന്നു ക്രിസ് വൈൽഡറിന് പകരക്കാരനായി ഷെഫീൽഡിൽ എത്തിയത്.

ഇപ്പോൾ ലീഗിൽ 16ആം സ്ഥാനത്താണ് ഷെഫീൽഡ് ഉള്ളത്. ഇതിനകം തന്നെ ലീഗിൽ 8 മത്സരങ്ങൾ ക്ലബ് പരാജയപ്പെട്ടു കഴിഞ്ഞു. ഇതാണ് ക്ലബ് ജൊകനോവിചിനെ പുറത്താക്കാൻ കാരണം.

രണ്ട് തവണ ഇംഗ്ലീഷ് ചാമ്പ്യന്മാരായിട്ടുള്ള ഡെർബി കൗണ്ടി സാമ്പത്തിക പ്രതിസന്ധി കാരണം അഡ്മിനിസ്ട്രേഷന് വിധേയരാകും. കഴിഞ്ഞയാഴ്ച അഡ്മിനിസ്ട്രേറ്റർമാരെ നിയമിക്കാനുള്ള തീരുമാനം ക്ലബ് അറിയിച്ചിരുന്നു. പുതിയ ഉടമകളെ കണ്ടെത്താൻ പരാജയപ്പെട്ടതും ഒപ്പം കൊറോണ വൈറസ് നൽകിയ സാമ്പത്തിക പ്രത്യാഘാതവും ക്ലബിനെ തീർത്തും തളർത്തിയിരിക്കുകയാണ്. റൂണി പരിശീലിപ്പിക്കുന്ന 12 പോയിന്റ് കുറക്കാൻ ലീഗ് അധികൃതർ അഡ്മിനിസ്ട്രേഷൻ ആയതോടെ തീരുമാനിച്ചു.

ലീഗിൽ ഇതുവരെ ആകെ 10 പോയിന്റ് മാത്രമെ ഡാർബിക്ക് ഉള്ളൂ. ഇനി അവർ -2 പോയിന്റുമായി റിലഗേഷൻ സോണിൽ ആകും ഉണ്ടാവുക. സ്ഥിതി പരിതാപകരം ആണെങ്കിലും റൂണി അവരുടെ പരിശീലകനായി തന്നെ തുടരും. അവസാന മത്സരങ്ങളിൽ റൂണി ആയിരുന്നു ക്ലബിന്റെ എവേ മത്സരങ്ങൾക്കായുള്ള ചിലവുകൾ എടുത്തത്.

മുൻ മാഞ്ചസ്റ്റർ യുണൈറ്റഡ് താരം പരിശീലിപ്പിക്കുന്ന ഡെർബി കൗണ്ടി ടീം ചാമ്പ്യൻഷിപ്പിൽ തന്നെ തുടരും. ചാമ്പ്യൻഷിപ്പിന്റെ അവസാന ദിവസം സമനില പിടിച്ച് ഡെർബി റെലെഗേഷൻ ഒഴിവാക്കിയെങ്കിലും ക്ലബ്ബിൽ നടന്ന സാമ്പത്തിക തിരിമറിയുടെ പേരിൽ ക്ലബ്ബിനെതിരെ ഇ.എഫ്.എൽ നടപടി എടുത്തിരുന്നു. തുടർന്ന് ക്ലബ്ബിനെ ലീഗ് 1ലേക്ക് തരം താഴ്ത്താനുള്ള സാധ്യതയും ഉണ്ടായിരുന്നു. സാമ്പത്തിക തിരിമറിയുടെ പേരിൽ ഇ.എഫ്.എൽ ഡെർബിയുടെ മേൽ ഒരു ലക്ഷം പൗണ്ട് പിഴയും ഈടാക്കിയിരുന്നു.

ഇതിനെതിരെ ഡെർബി നൽകിയ പരാതി സ്വതന്ത്ര കമ്മീഷൻ അന്വേഷിക്കുകയും ഡെർബിക്കെതിരെ നടപടികൾ വേണ്ടെന്നു വെക്കുകയുമായിരുന്നു. തുടർന്നാണ് ഇ.എഫ്.എൽ സ്വതന്ത്ര കമ്മീഷന്റെ നടപടിക്കെതിരെ അപ്പീൽ പോവേണ്ടെന്ന് തീരുമാനിച്ചത്. ഇതോടെയാണ് ഡെർബി ചാമ്പ്യൻഷിപ്പിൽ തന്നെ തുടരുമെന്ന് ഉറപ്പായി. അതെ സമയം കൂടുതൽ ശിക്ഷ നടപടികൾ ഒഴിവാക്കാൻ ഓഗസ്റ്റ് 18ന് മുൻപ് ഇ.എഫ്.എല്ലിന് മുൻപിൽ പുതിയ കണക്കുകൾ ഡെർബി സമർപ്പിക്കണം.

ഫുൾഹാം പരിശീലകനാവാൻ മാർക്കോ സിൽവയുമായി ചർച്ചകൾ ആരംഭിച്ച് ഫുൾഹാം. ഫുൾഹാം പരിശീലകനായിരുന്ന സ്കോട്ട് പാർക്കർ കഴിഞ്ഞ ദിവസം ക്ലബ് വിട്ടിരുന്നു. പാർക്കർ ബൗൺമൗത്തിന്റെ പരിശീലകനാവാൻ വേണ്ടിയാണ് ഫുൾഹാം വിട്ടത്. തുടർന്നാണ് ഫുൾഹാം പുതിയ പരിശീലകനായുള്ള തിരച്ചിൽ തുടങ്ങിയത്.

കഴിഞ്ഞ സീസണിൽ പ്രീമിയർ ലീഗിലേക്ക് എത്തിയ ഫുൾഹാം ആദ്യ സീസണിൽ തന്നെ റെലെഗേറ്റഡ് ആവുകയായിരുന്നു. മുൻപ് ഹൾസിറ്റി, വാട്ഫോർഡ്, എവർട്ടൺ എന്നീ ടീമുകളെയും സിൽവ പ്രീമിയർ ലീഗിൽ പരിശീലിപ്പിച്ചിട്ടുണ്ട്. സിൽവയെ പരിശീലകനായി എത്തിക്കാൻ ഫുൾഹാമിന് പുറമെ ഫെനെബാഷെയും സി.എസ്.കെ മോസ്കൊയും ശ്രമങ്ങൾ നടത്തുന്നതിനിടെയാണ് സിൽവയുമായി ഫുൾഹാം ചർച്ചകൾ ആരംഭിച്ചത്.

ഫുൾഹാം പരിശീലകനായ സ്കോട്ട് പാർക്കർ ക്ലബ് ചുമതല ഒഴിയും. കഴിഞ്ഞ സീസണിൽ ഫുൾഹാം ചാമ്പ്യൻഷിപ്പിലേക്ക് റിലഗേറ്റഡ് ആയപ്പോൾ തന്നെ പാർക്കർ പരിശീലക സ്ഥാനം ഒഴിയും എന്ന് സൂചനകൾ നൽകിയിരുന്നു. രണ്ടു വർഷത്തെ കരാർ ബാക്കിയിരിക്കെ ആണ് സ്കോട്ട് പാർക്കർ ഫുൾഹാം വിടുന്നത്. ഫുൾഹാം വിട്ടാൽ പാർക്കർ ചാമ്പ്യൻഷിപ്പ് ക്ലബ് തന്നെ ആയ ബൗണ്മതിന്റെ പരിശീലക സ്ഥാനം ഏറ്റെടുക്കും.

നിലവിലെ ബൗണ്മത് പരിശീലകൻ ജോനാഥൻ വുഡ്ഗേറ്റിന്റെ കരാർ ബുധനാഴ്ച അവസാനിക്കുകയാണ്. കരാർ പുതുക്കില്ലെന്ന് ക്ലബ് അറിയിച്ചിട്ടുണ്ട്. 2019ൽ റെനിയേരി ക്ലബ് വിട്ടപ്പോൾ ഫുൾഹാമിന്റെ താൽക്കാലിക ചുമതലയേറ്റ പാർക്കർ പിന്നീട് ഫുൾഹാമിന്റെ സ്ഥിര പരിശീലകനായി മാറുകയായിരുന്നു‌. അവരെ പ്രീമിയർ ലീഗിലേക്ക് തിരികെയെത്തിൽകാൻ പാർക്കറിന് ആയെങ്കിലും വീണ്ടും രണ്ടാം ഡിവിഷനിലേക്ക് തന്നെ ഫുൾഹാം തിരികെയെത്തി.

വെസ്റ്റ് ബ്രോംവിച്ച് ആൽബിയോൺ പുതിയ പരിശീലകനെ നിയമിച്ചു. ബാർൺസ്ലി പരിശീലകനായിരുന്ന വലേറിയൻ ഇസ്മായിൽ ആണ് വെസ്റ്റ് ബ്രോമിൽ പരിശീലകനായി എത്തുന്നത്. ഇസ്മായിൽ നാലു വർഷത്തെ കരാറിലാണ് ക്ലബിൽ എത്തുന്നത്. പ്രീമിയർ ലീഗിൽ നിന്ന് അൽബിയോൺ റിലഗേറ്റഡ് ആയതോടെ മുൻ പരിശീലകനായ സാം അലാർഡൈസ് ചുമതല ഒഴിഞ്ഞിരുന്നു. 45 കാരനായ ഫ്രഞ്ച്കാരൻ ഇസ്മായിൽ ബ്രാൻസ്ലിയിൽ വലിയ മാറ്റങ്ങൾ കൊണ്ടു വന്നിരുന്നു.

മുൻ ക്രിസ്റ്റൽ പാലസ് പ്രതിരോധ താരം ഇസ്മായിൽ കഴിഞ്ഞ ഒക്ടോബറിൽ ബാർൺസ്‌ലി ചാമ്പ്യൻഷിപ്പിൽ 21ആം സ്ഥാനത്ത് നിൽക്കുമ്പോൾ ആയിരുന്നു പരിശീലക സ്ഥാനം ഏറ്റെടുക്കുന്നത്. 44 കളികളിൽ 25 ലും വിജയിച്ച് അഞ്ചാം സ്ഥാനത്ത് ടീമിനെ എത്തിക്കാൻ അദ്ദേഹത്തിനായി. പ്ലേ ഓഫിൽ സ്വാൻസിയോട് തോറ്റാണ് ബ്രാൻസ്ലിയുടെ പ്രീമിയ ലീഗ് പ്രതീക്ഷ അവസാനിച്ചത്. വെസ്റ്റ് ബ്രോമിനൊപ്പവും ഇസ്മായിലിന്റെ ലക്ഷ്യം പ്രീമിയർ ലീഗ് ആകും.