ഇംഗ്ലീഷ്, ചെൽസി ഇതിഹാസ താരം ഫ്രാങ്ക് ലമ്പാർഡ് വീണ്ടും പരിശീലക സ്ഥാനത്തേക്ക് തിരിച്ചെത്തി. നേരത്തെ ചെൽസി, എവർട്ടൺ, ഡെർബി കൗണ്ടി ടീമുകളെ പരിശീലിപ്പിച്ച ഇംഗ്ലീഷ് താരം നിലവിൽ ചാമ്പ്യൻഷിപ്പ് ക്ലബ് ആയ കൊവൻഡ്രി സിറ്റി പരിശീലകൻ ആയാണ് സ്ഥാനം ഏറ്റെടുത്തത്.
7 വർഷം പരിശീലകൻ ആയ മാർക് റോബിൻസിന് പകരക്കാരനായി ആണ് ലമ്പാർഡ് പരിശീലക ചുമതലയിൽ എത്തുന്നത്. 2027 വരെ രണ്ടര വർഷത്തെ കരാർ ആണ് നിലവിൽ ലമ്പാർഡിന് ഉള്ളത്. പരിശീലകൻ ആയി ഡെർബിയിൽ കാണിച്ച മികവ് നിലവിൽ ചാമ്പ്യൻഷിപ്പിൽ 17 സ്ഥാനത്തുള്ള കൊവൻഡ്രിയിൽ കാണിച്ചു ക്ലബിനു പ്രീമിയർ ലീഗ് സ്ഥാനക്കയറ്റം നേടി നൽകുക ആവും ലമ്പാർഡിന്റെ ലക്ഷ്യം.