സ്റ്റോക്ക് സിറ്റി താരം ജോ അലനെ കടിച്ച ഡർബി കൗണ്ടി താരം ബ്രാഡ്ലി ജോൺസന് ഇംഗ്ലീഷ് ഫുട്ബോൾ അസോസിയേഷൻ വിലക്ക് ഏർപ്പെടുത്തി. നാല് മത്സരങ്ങളാണ് താരത്തിന് വിലക്ക് ഏർപ്പെടുത്തിയത്. ബുധനാഴ്ച നടന്ന ചാംപ്യൻഷിപ് മത്സരത്തിന് ഇടയിലാണ് സംഭവം. മത്സരത്തിൽ സ്റ്റോക്ക് 2-1 ന് ജയിച്ചിരുന്നു.
ജോൺസൻ കടിക്കുന്നത് റഫറിമാർ കണ്ടില്ലെങ്കിലും റിപ്ലെകളിൽ നോക്കിയതോടെയാണ് താരം കുടുങ്ങിയത്. ആരോപണം ജോൺസൻ നിഷേധിച്ചെങ്കിലും എഫ് എ അച്ചടക്ക സമിതി നടപടിക്ക് ശുപാർശ ചെയ്യുകയായിരുന്നു. നേരത്തെ 5 മഞ്ഞകർഡുകൾ ലഭിച്ചതിന് ഉള്ള ഒരു മത്സര സസ്പെൻഷൻ ഉൾപ്പെടെ താരത്തിന് 5 മത്സരങ്ങളിൽ പുറത്ത് ഇരിക്കേണ്ടി വരും.