ചാമ്പ്യൻസ് ലീഗ് ഗ്രൂപ്പ് ഘട്ടത്തിലെ ആദ്യ മത്സരത്തിൽ ഇംഗ്ലീഷ് ക്ലബ്ബ് സ്പർസിന് സമനില കുരുക്ക്. ഗ്രീക്ക് ക്ലബ്ബായ ഒളിമ്പിയാക്കോസ് ആണ് കഴിഞ്ഞ തവണത്തെ റണ്ണർ അപ്പുകളായ സ്പർസിനെ സമനിലയിൽ തളച്ചത്. സ്കോർ 2-2.
ഗ്രീസിൽ നടന്ന മത്സരത്തിൽ ഹോം ടീം മികച്ച തുടക്കമാണ് നേടിയത്. ഒരു തവണ സ്പർസ് പോസ്റ്റിൽ തട്ടിയാണ് അവരുടെ ഒരു ഷോട്ട് മടങ്ങിയത്. പക്ഷെ മത്സരത്തിന്റെ 26 ആം മിനുട്ടിൽ കെയ്നെ ബോക്‌സിൽ വീഴ്ത്തിയതോടെ റഫറി സ്പർസിന് പെനാൽറ്റി അനുവദിച്ചു. കിക്കെടുത്ത കെയ്‌നിന് പിഴച്ചില്ല. സ്കോർ 1-0 . ഏറെ വൈകാതെ 30 ആം മിനുട്ടിൽ ലോങ് റേഞ്ച് ഷോട്ടിലൂടെ ലൂക്കാസ് മോറ സ്പർസിന്റെ ലീഡ് രണ്ടാക്കി ഉയർത്തി.
ആദ്യ പകുതിക്ക് പിരിയും മുൻപേ വൽബ്‌വേനയുടെ പാസ്സ് ഗോളാക്കി ഡാനിയേൽ പൊഡെൻസ് ഒളിമ്പിയാക്കോസിന് പ്രതീക്ഷ നിലനിർത്തി.
രണ്ടാം പകുതി തുടങ്ങി 5 മിനിട്ടിനുള്ളിൽ തന്നെ സ്പർസ് തങ്ങളുടെ ലീഡ് കൈവിട്ടു. വൽബ്‌വേനയെ വേർത്തോങ്കൻ വീഴ്ത്തിയതിന് ലഭിച്ച ഗോളാക്കി വൽബ്‌വേന തന്നെയാണ് സ്കോർ 2-2 ആക്കിയത്. പിന്നീട് വിജയ ഗോളിനായി പോചെട്ടിനോ സോണ്, ലമേല എന്നിവയെല്ലാം ഇറക്കിയെങ്കിലും ഒളിമ്പിയാക്കോസ് പ്രതിരോധം മറികടക്കാൻ അവർക്കായില്ല. ബയേൺ മ്യൂണിക് അടങ്ങുന്ന ഗ്രൂപ്പിൽ ഇതോടെ സ്പർസിന് കാര്യങ്ങൾ എളുപ്പമാക്കാൻ ഇടയില്ല.
