മാഡ്രിഡിൽ ചെന്ന് അത്ഭുതങ്ങൾ ഒന്നും കാണിക്കാൻ ക്ലോപ്പിനോ അദ്ദേഹത്തിന്റെ ടീമായ ലിവർപൂളിനോ ആയില്ല. ഇന്ന് മാഡ്രിഡിൽ വെച്ച് റയൽ മാഡ്രിഡിനോട് പരാജയം ഏറ്റു വാങ്ങിയ ലിവർപൂൾ ടൂർണമെന്റിൽ നിന്ന് പുറത്തേക്ക് പോയി. റയൽ മാഡ്രിഡ് ക്വാർട്ടർ ഫൈനലിലേക്കും മുന്നേറി. പ്രീക്വാർട്ടറിന്റെ ആദ്യ പാദത്തിൽ ആൻഫീൽഡിൽ വെച്ച് റയൽ മാഡ്രിഡ് ലിവർപൂളിനെ 5-2 എന്ന സ്കോറിന് തോൽപ്പിച്ചിരുന്നു. ഇന്ന് ബെൻസീമ നേടിയ ഏക ഗോളിന്റെ ബലത്തിൽ ആയിരുന്നു ററ്റൽ മാഡ്രിഡ് വിജയിച്ചത്. അഗ്രി ഗേറ്റ് സ്കോർ 6-2
ഇന്ന് ബെർണബയു സ്റ്റേഡിയത്തിൽ തുടക്കം മുതൽ അറ്റാക്കിംഗ് ഫുട്ബോൾ കാണാൻ ആയി. ലിവർപൂളിന് ചുരുങ്ങിയത് മൂന്ന് ഗോൾ എങ്കിലും വേണമായിരുന്നു എന്നത് കൊണ്ട് അവർക്ക് അറ്റാക്ക് ചെയ്യുക അല്ലാതെ വഴി ഉണ്ടായിരുന്നില്ല. ആദ്യ പകുതിയ റയൽ മാഡ്രിഡ് ലീഡ് എടുക്കാതിരിക്കാൻ ലിവർപൂൾ ഗോൾ കീപ്പർ അലിസന്റെ മികച്ച സേവ് തന്നെ വേണ്ടി വന്നിരുന്നു.
രണ്ടാം പകുതിയിൽ കളി കൃത്യമായി നിയന്ത്രിച്ചു കൊണ്ട് റയൽ മാഡ്രിഡ് അവരുടെ ക്വാർട്ടർ ഉറപ്പിച്ചു. 79ആം മിനുട്ടിൽ ആയിരുന്നു ബെൻസീമയുടെ വിജയ ഗോളായി മാറിയ ഗോൾ.