മിലാനും ഇന്ററും തമ്മിലുള്ള ചാമ്പ്യൻസ് ലീഗ് സെമി ഫൈനലിന്റെ രണ്ടാം പാദത്തിൽ പോർച്ചുഗീസ് യുവതാരം ലിയോ കളിക്കും. എ സി മിലാൻ പരാജയപ്പെട്ട ആദ്യ പാദം റാഫേൽ ലിയോയ്ക്ക് നഷ്ടമായിരുന്നു. ലിയോയുടെ അഭാവം എ സി മിലാന് വലിയ തിരിച്ചടിയാവുകയും ചെയ്തു.
23-കാരനായ പോർച്ചുഗീസ് വിംഗർ, കഴിഞ്ഞ വാരാന്ത്യത്തിൽ ലാസിയോയ്‌ക്കെതിരായ മത്സരത്തിലേറ്റ പരിക്കേറ്റതിനെത്തുടർന്ന് ആണ് ഇപ്പോൾ കളത്തിന് പുറത്ത് ഇരിക്കുന്നത്. ആദ്യ പാദത്തിൽ 2-0ന്റെ പരാജയമാണ് എ സി മിലാൻ നേരിട്ടത്.
ലിയോ ഇപ്പോൾ ഫിറ്റ്നസ് വീണ്ടെടുക്കാനായി കഠിനമായി പരിശ്രമിക്കുകയാണ്. 23-കാരൻ ഇന്ന് രാവിലെ വ്യക്തിഗത പരിശീലന സെഷൻ പൂർത്തിയാക്കി. തിങ്കളാഴ്ച മുതൽ ടീമിനൊപ്പം പരിശീലനം നടത്തും. വാരാന്ത്യത്തിൽ സ്പെസിയയ്‌ക്കെതിരായ അവരുടെ സീരി എ പോരാട്ടത്തിൽ അദ്ദേഹം കളിക്കില്ല.
