ഇന്നലെ ചാമ്പ്യൻസ് ലീഗ് ക്വാർട്ടറിന്റെ ആദ്യ പാദത്തിൽ മാഞ്ചസ്റ്റർ സിറ്റി 3-0ന് ബയേണെ തോൽപ്പിച്ചിരുന്നു. എന്നാൽ ബയേണെ മറികടക്കാൻ ഒരു നല്ല മത്സരം പോരാ എന്നും ജർമ്മനിയിലും മികവ് കാണിക്കേണ്ടതുണ്ട് എന്നും സിറ്റി പരിശീലകൻ പെപ് ഗ്വാർഡിയോള പറഞ്ഞു. ഇന്നലത്തെ മത്സരം അത്ര സുഖകരമായിരുന്നില്ല. വൈകാരികമായി ഏറെ ഡിമാൻഡ് ചെയ്യുന്നത് ആയിരുന്നു എന്നും പെപ്പ് പറഞ്ഞു.
“ബയേണിനെതിരായ രണ്ടാം പാദത്തിൽ നിങ്ങൾ എന്താണ് ചെയ്യേണ്ടതെന്ന് എനിക്ക് കൃത്യമായി അറിയാം. നിങ്ങൾ മികച്ച പ്രകടനം നടത്തിയില്ലെങ്കിൽ, അവർ ഒന്നല്ല മൂന്ന് ഗോളും സ്കോർ ചെയ്യും.അത് എനിക്കറിയാം. കളിക്കാർക്കും അത് അറിയാം.” പെപ്പ് പറഞ്ഞു
എന്റെ കളിക്കാർക്ക് മുന്നറിയിപ്പുകൾ നൽകേണ്ടതില്ല എന്നും ബയേൺ പോലുള്ള ടീമുകളെ പുറത്താക്കാൻ നിങ്ങൾക്ക് രണ്ട് മികച്ച മത്സരങ്ങൾ കളിക്കേണ്ടതുണ്ട് എന്നും പെപ് പറഞ്ഞു.