Category: Champions League

ചാമ്പ്യൻസ് ലീഗിൽ അത്ലറ്റിക്കോ മാഡ്രിഡിന് ജയത്തോടെ തുടക്കം. മൊണാക്കോയുടെ ഹോം ഗ്രൗണ്ടിൽ വെച്ച് നടന്ന മത്സരത്തിൽ ഒന്നിനെതിരെ രണ്ടു ഗോളുകൾക്കായിരുന്നു അത്ലറ്റിക്കോ മാഡ്രിഡിന്റെ വിജയം. തുടക്കത്തി ഒരു ഗോളിന് പിറകിൽ പോയതിന് ശേഷമായിരുന്നു അത്ലറ്റിക്കോയുടെ തിരിച്ചുവരവ്. തുടക്കത്തിൽ തന്നെ അത്ലറ്റിക്കോ പിറകിൽ പോയപ്പോൾ ലാലിഗയിലെ കഷ്ടകാലം അത്ലറ്റിക്കോയെ യൂറോപ്പിലും വേട്ടയാടുകയാണ് എന്നാണ് കരുതിയത്.

18ആം മിനുട്ടിൽ ഗ്രാൻഡ്സിറായിരുന്നു മൊണാക്കോയ്ക്ക് ലീഡ് നൽകിയത്. എന്നാൽ ശക്തമായി തിരിച്ചുവന്ന അത്ലറ്റിക്കോ ആദ്യ പകുതി അവസാനിക്കും മുമ്പ് തന്നെ കളി തങ്ങളുടെ വശത്തേക്കാക്കിം ഗിമിനസും ഡിയേഗോ കോസ്റ്റയുമാണ് അത്ലറ്റിക്കോയ്ക്കായി ഗോളുകൾ നേടിയത്.

ഇനി ഒക്ടോബർ 4ന് ക്ലബ് ബ്രഗെയാണ് അത്ലറ്റിക്കോ മാഡ്രിഡിന്

ഇന്ന് ചാമ്പ്യൻസ് ലീഗിലെ ആദ്യ മത്സരത്തിന് ഇറങ്ങുന്ന ബാഴ്സലോണ 18 അംഗ സ്ക്വാഡ് പ്രഖ്യാപിച്ചു. ടീമിൽ ബ്രസീലിയൻ യുവതാരം മാൽകോം ഇല്ല. പരിക്കാണ് മാൽകോമിനെ ടീമിൽ നിന്ന് പുറത്താക്കിയത്. മാൽകോമിനെ കൂടാതെ ഡെനിസ് സുവാരസ്, വെർമാലെൻ, സാമ്പെർ എന്നിവർക്കും അവസാന 18ൽ സ്ഥാനം ലഭിച്ചില്ല. 1997ന് ശേഷം ഇതുവരെ ചാമ്പ്യൻസ് ലീഗിന്റെ ഗ്രൂപ്പ് ഘട്ടത്തിലെ ആദ്യ മത്സരത്തിൽ പരാജയം അറിയാത്ത ടീമാണ് ബാഴ്സലോണ.

ടോട്ടൻഹാം, ഇന്റർ മിലാൻ, പി എസ് വി എന്നിവർ അടങ്ങിയ ബി ഗ്രൂപ്പിലാണ് ബാഴ്സലോണ. ഇത്തവണ ചാമ്പ്യൻസ് ലീഗിലെ ഏറ്റവും ശക്തമായ ഗ്രൂപ്പുകളിൽ ഒന്ന് കൂടിയാണിത്.

ടീം; Ter Stegen, Semedo, Piqué, I. Rakitic, Sergio, Coutinho, Arthur, Luis Suárez, Messi, O. Dembélé, Rafinha, Cillessen, Lenglet, Jordi Alba, Munir, S. Roberto, Vidal, Umtiti.

2018-19 സീസൺ ചാമ്പ്യൻസ് ലീഗിന് ഇന്ന് തുടക്കം. ബാഴ്സലോണയും പി എസ് വി ഐന്തോവനും തമ്മിലുള്ള പോരാട്ടത്തോടെയാണ് ചാമ്പ്യൻസ് ലീഗിന് ഇന്ന് തുടക്കമാകുന്നത്‌. പതിവിൽ നിന്ന് മാറ്റമായി ഇത്തവണ 10.25, 12.30 എന്നീ രണ്ട് കിക്കോഫുകൾ ചാമ്പ്യൻസ് ലീഗിൽ ഉണ്ടാകും. കഴിഞ്ഞ വർഷം വരെ 12.30 കിക്കോഫുകൾ ആയിരുന്നു ചാമ്പ്യൻസ് ലീഗിന്റെ പതിവ്. എന്നാൽ ഇത്തവണ ഗ്രൂപ്പ് ഘട്ടത്തിൽ എല്ലാ മാച്ച് ഡേയിലും രണ്ട് മത്സരങ്ങൾ 10.25നും ആരംഭിക്കും.

8 മത്സരങ്ങളാണ് ഇന്ന് ചാമ്പ്യൻസ് ലീഗിൽ നടക്കുന്നത്. ഇന്റർ മിലാൻ vs ടോട്ടൻഹാം, ലിവർപൂൾ vs പി എസ് ജി, അത്ലറ്റിക്കോ മാഡ്രിഡ് vs മൊണാക്കോ എന്നിവയാണ് ഇന്നത്തെ മത്സരങ്ങളിലെ കടുത്ത പോരാട്ടങ്ങൾ. നിലവിലെ ചാമ്പ്യന്മാരായ റയൽ മാഡ്രിഡ് നാളെ ആണ് കളത്തിൽ ഇറങ്ങുന്നത്. റൊണാൾഡോയുടെ യുവന്റസിനും നാളെയാണ് മത്സരം.

ചാമ്പ്യൻസ് ലീഗിലെ ആദ്യ മത്സരത്തിൽ ഇന്റർ മിലാനെ നേരിടാൻ ഇറങ്ങുന്ന ടോട്ടൻഹാം, ആ മത്സരത്തിൽ കെയ്നിന് വിശ്രമം നൽകില്ല എന്ന് പോചടീനൊ പറഞ്ഞു. കെയ്നിന് ഇന്റർ മിലാനെതിരെ വിശ്രമം നൽകാൻ തനിക്ക് ഭ്രാന്ത് ആകണമെന്നും പൊചടീനോ പറഞ്ഞു. മോശം ഫോമിലുള്ള ഹാരി കെയ്ന് വിശ്രമം നൽകിക്കൂടെ എന്ന മാധ്യമ പ്രവർത്തകരുടെ ചോദ്യത്തിനാണ് പൊചടീനോ ഇത്തരമൊരു ഉത്തരം നൽകിയത്.

കെയ്നിന്റെ മോശം പ്രകടനം കൂടുതൽ മത്സരങ്ങൾ കളിക്കുന്നത് കൊണ്ടല്ല എന്നും പൊചടീനോ പറഞ്ഞു. കെയ്ൻ അവസാന മത്സരത്തിൽ ഫോം ആകാത്തത് കെയ്നിന്റെ മാത്രം പ്രശ്നമല്ല. ടീം മികച്ചു നിന്നാലെ കെയ്നിന് ഫോമിലെത്താൻ പറ്റൂ എന്നും പൊചടീനോ പറഞ്ഞു. കെയ്ന് മികച്ച താരമാണെന്നു ഏതു നിമിഷവും അദ്ദേഹം ഗോൾ കണ്ടെത്താമെന്നും സ്പർസ് പരിശീലകൻ പറഞ്ഞു.

അവസാന രണ്ടു മത്സരങ്ങളിലും ടോട്ടൻഹാം പരാജയപ്പെട്ടിരുന്നു. ലോകകപ്പിൽ അവസാനം വരെ കളിച്ച നിരവധി താരങ്ങൾ ടീമിൽ ഉണ്ട് എന്നതാണ് ടീമിന്റെ പ്രകടനം മോശമാകാൻ കാരണം എന്നാണ് ഫുട്ബോൾ നിരീക്ഷകർ വിലയിരുത്തുന്നത്.

യുവേഫയുടെ ഗോൾ ഓഫ് ദ സീസൺ അവാർഡിലെ അവസാന ലിസ്റ്റിൽ തന്റെ ചാമ്പ്യൻസ് ലീഗ് ഫൈനലിലെ ഗോൾ എത്തിയില്ല എന്നത് അത്ഭുതപ്പെടുത്തി എന്ന് റയൽ മാഡ്രിഡ് താരം ഗരെത് ബെയിൽ. ചാമ്പ്യൻസ് ലീഗ് ഫൈനലിൽ ബെയ്ല് നേടിയ ബൈസിക്കിൾ കിക്ക് ഗോളായിരുന്നു റയലിന്റെ കിരീടം ഉറപ്പിച്ചത്. പക്ഷെ ആ ഗോൾ മികച്ച ഗോളുകളുടെ അവസാന ലിസ്റ്റിൽ എത്തിയിരുന്നില്ല.

യുവേഫ ചാമ്പ്യൻസ് ലീഗിനെ പ്രതിനിധീകരിച്ച് റൊണാൾഡോ യുവന്റസിനെതിരെ നേടിയ ബൈസിക്കിൾ കിക്ക് ഗോളായിരുന്നു ഫൈനൽ ലിസ്റ്റിൽ എത്തിയത്. തന്റെ ഗോൾ എത്താതിരുന്നത് അത്ഭുതപ്പെടുത്തി എന്ന് പറഞ്ഞ ബെയിൽ ആരൊക്കെയാണ് തിരഞ്ഞെടുത്ത ജൂറിയിൽ ഉണ്ടായിരുന്നത് എന്ന് തനിക്ക് അറിയണമെന്നും അവരെ പുറത്താക്കണമെന്നും തമാശ പറയുകയും ചെയ്തു.

തന്റെ ഗോളാണോ റൊണാൾഡോയുടെ ഗോളാണോ മികച്ചത് എന്ന് പറയാൻ താൻ ആളല്ല എന്നും ബെയിൽ പറഞ്ഞു

ചാമ്പ്യൻസ് ലീഗിനായുള്ള പോരാട്ടം റയലും യുവന്റസും തമ്മിലാകുമെന്നു ഇറ്റാലിയൻ ഇതിഹാസം പിർലോ. ഇത്തവണ ചാമ്പ്യൻസ് ലീഗ് നേടാൻ ഏറ്റവും സാധ്യതയുള്ള ടീമുകൾ നിലവിലെ ചാമ്പ്യന്മാരായ റയൽ മാഡ്രിഡും ഇറ്റാലിയൻ ചാമ്പ്യന്മാരായ യുവന്റസുമാണ്. മാഞ്ചസ്റ്റർ സിറ്റിക്കും പിഎസ്ജിക്കും ബാഴ്‌സലോണയ്ക്കുമാണ് പിന്നീട് താൻ സാധ്യത കൽപ്പിക്കുന്നതെന്നും പിർലോ കൂട്ടിച്ചെർത്തു.

മികച്ച ടീമും, ടീം മെന്റാലിറ്റിയും മാർച്ച് ഏപ്രിൽ മാസങ്ങളിൽ ഫിസിക്കൽ ഫിറ്റ്നസും ഉള്ള ടീമുകൾക്ക് മാത്രമേ യൂറോപ്പ്യൻ ചാമ്പ്യൻഷിപ്പ് നേടാൻ സാധിക്കുകയുള്ളു എന്ന് മുൻ ലോക ചാമ്പ്യൻ കൂടിയായ പിർലോ പറഞ്ഞു. കഴിഞ്ഞ സീസണിൽ ഫൈനലിൽ എത്തിയെങ്കിലും ജാർഗൻ ക്ലോപ്പിന്റെ ലിവർപൂൾ മറ്റു യൂറോപ്പ്യൻ ടീമുകളുടെ അത്രയ്ക്ക് ശക്തരല്ലെന്നും പിർലോ കൂട്ടിച്ചെർത്തു.