പി.എസ്.ജിയിൽ തന്നെ അടുത്ത വർഷവും തുടരുമെന്ന് ബ്രസീലിയൻ സൂപ്പർ സ്റ്റാർ നെയ്മർ. അടുത്ത വർഷം പി.എസ്.ജിയുടെ കൂടെ ചാമ്പ്യൻസ് ലീഗ് ഫൈനലിൽ എത്തണമെന്നും കിരീടം നേടണമെന്നുമാണ് തന്റെ ആഗ്രഹമെന്നും നെയ്മർ പറഞ്ഞു. പി.എസ്.ജിക്ക് ചാമ്പ്യൻസ് ലീഗ് കിരീടം നേടിക്കൊടുത്ത് ക്ലബ്ബിന്റെ ചരിത്രത്തിൽ സ്ഥാനം പിടിക്കുകയാണ് തന്റെ ലക്ഷ്യമെന്നും നെയ്മർ പറഞ്ഞു.
2017ലാണ് ലോക റെക്കോർഡ് തുകക്ക് നെയ്മർ ബാഴ്സലോണയിൽ നിന്ന് പാരിസിൽ എത്തുന്നത്. തുടർന്ന് കഴിഞ്ഞ സമ്മർ ട്രാൻസ്ഫർ വിൻഡോയിൽ താരം ബാഴ്സലോണയിൽ എത്തുമെന്ന് കരുതപ്പെട്ടെങ്കിലും താരം പി.എസ്.ജിയിൽ തന്നെ തുടരുകയായിരുന്നു. ഈ സീസണിൽ നെയ്മറിന്റെ മികച്ച പ്രകടനത്തിന്റെ പിൻബലത്തിൽ പി.എസ്.ജി ചാമ്പ്യൻസ് ലീഗ് ഫൈനലിൽ എത്തിയെകിലും ബയേൺ മ്യൂണിക്കിനോട് പരാജയപ്പെടുകയായിരുന്നു.