നെയ്മറിന് പരിക്ക്,യൂണൈറ്റഡിനെതിരെ കളിക്കില്ല

മാഞ്ചസ്റ്റർ യുണൈറ്റഡിന് ആശ്വസിക്കാം, ചാംപ്യമസ് ലീഗിൽ പി എസ് ജി ക്ക് എതിരായ മത്സരത്തിൽ അവരുടെ സൂപ്പർ താരം നെയ്മർ ഉണ്ടാവില്ല. പരിക്കേറ്റ താരത്തിന് കളിക്കാനാവില്ല എന്നുറപ്പായി. സ്ട്രാസ്ബർഗ് ന് എതിരായ കോപ്പ ഫ്രാൻസ് മത്സരത്തിന് ഇടയിലാണ് താരത്തിന് പരിക്കേറ്റത്.

പിഎസ്ജിയുടെയും ബ്രസീൽ ദേശീയ ടീമിന്റെയും ഡോക്ടർമാർ താരത്തിന്റെ കായിക ക്ഷമത വീണ്ടെടുക്കാൻ ശ്രമിക്കുന്നുണ്ടെങ്കിലും ഫെബ്രുവരി 13 ന് നടക്കുന്ന മത്സരത്തിന് മുന്നോടിയായി അത് നടക്കാനുള്ള സാധ്യത വിരളമാണ്. ഇതേ സമയം മത്സരത്തിന് യുണൈറ്റഡിൽ കാര്യമായ പരിക്ക് പ്രശ്നങ്ങളില്ല. പുതിയ പരിശീലകൻ സോൾശ്യാറിന് കീഴിൽ മികച്ച ഫോമിലാണ് അവർ.