ചാമ്പ്യൻസ് ലീഗ് ഗ്രൂപ്പ് സിയിലെ പോരാട്ടത്തിൽ നാപോളിയെ റെഡ്സ്റ്റാർ ബെൽഗ്രെഡ് സമനിലയിൽ തളച്ചു. ഗോൾ രഹിതമായ സമനിലയിലാണ് കാർലോ ആഞ്ചലോട്ടിയുടെ നാപോളിയെ റെഡ് സ്റ്റാർ കുരുക്കിയത്. ലിവർപൂൾ പിഎസ്ജിയെ പരാജയപ്പെടുത്തിയതിനാൽ ഗ്രൂപ്പിൽ രണ്ടാം സ്ഥാനക്കാരാണിപ്പോൾ നാപോളി. വിജയിക്കാമായിരുന്ന മത്സരമാണ് നാപോളിക്ക് നഷ്ടമായത്.
ലോറെൻസോ ഇൻസൈനെയും മരിയോ റോയിയും ക്രോസ്സ് ബാറുകളിൽ തട്ടിയകന്നപ്പോൾ നാപോളിക്ക് വിജയം അകന്നു നിന്നു. 1991 ശേഷം ആദ്യമായാണ് റെഡ്സ്റ്റാർ ചാമ്പ്യൻസ് ലീഗിലിറങ്ങുന്നത്. സെർബിയൻ ഫുട്ബോൾ ആരാധകരുടെ മുഴുവൻ ആവേശവും ആവാഹിച്ചെത്തിയ റെഡ്സ്റ്റാറിനെയല്ല കളിക്കളത്തിൽ കണ്ടത്. സമനിലയ്ക്ക് വേണ്ടി കളിച്ച റെഡ്സ്റ്റാർ ആ ഉദ്യമത്തിൽ വിജയിക്കുകയും ചെയ്തു.