യുവേഫയുടെ മികച്ച കളിക്കാരൻ ആരാകും, ഫൈനലിസ്റ്റുകളെ പ്രഖ്യാപിച്ചു

- Advertisement -

യുവേഫയുടെ 2017-2018 സീസണിലെ മികച പുരുഷ ഫുട്ബോളർക്കുള്ള അവാർഡ് അന്തിമ പട്ടിക പ്രഖ്യാപിച്ചു. യുവന്റസിന്റെ ക്രിസ്റ്റിയാനോ റൊണാൾഡോ, ലിവർപൂളിന്റെ മുഹമ്മദ് സല, റയൽ മാഡ്രിഡിന്റെ ലൂക്ക മോഡ്റിച് എന്നിവരാണ് ഫൈനലിസ്റ്റുകൾ.

ആഗസ്റ്റ് 30 ന് നടക്കുന്ന UCL അവാർഡ് ചടങ്ങിലാണ് വിജയിയെ പ്രഖ്യാപിക്കുക. റയൽ മാഡ്രിഡിന് ചാമ്പ്യൻസ് ലീഗ് സമ്മാനികുന്നതിൽ നടത്തിയ നിർണായക പ്രകടങ്ങളാണ് റൊണാൾഡോയെ ഫൈനൽ പട്ടികയിൽ ഇടം നൽകിയത് എങ്കിൽ ലോകകപ്പിൽ ക്രോയേഷ്യയെ ഫൈനലിൽ എത്തിക്കുന്നതിൽ വഹിച്ച പങ്കാണ് മോഡ്റിച്ചിന് ഇടം നൽകിയത്. ലോകകപ്പിലെ മികച്ച താരവും മോഡ്റിച്ചായിരുന്നു.

ലിവർപൂളിലെ ആദ്യ സീസണിൽ ഗോളുകൾ അടിച്ചു കൂട്ടി പ്രീമിയർ ലീഗ് ഗോൾഡൻ ബൂട്ട് നേടിയ താരമാണ്‌ ഈജിപ്തിന്റെ സലാ. റെഡ്സിനെ ചാമ്പ്യൻസ് ലീഗ് ഫൈനലിൽ എത്തിക്കുന്നതിലും പങ്ക് വഹിച്ചു.

Advertisement