യുവേഫ ചാമ്പ്യൻസ് ലീഗ് ഫൈനൽ ആദ്യ പകുതിക്ക് പിരിയുമ്പോൾ മാഞ്ചസ്റ്റർ സിറ്റിയും ഇന്റർ മിലാനും ഗോൾ രഹിത സമനിലയിൽ നിൽക്കുന്നു. ഇരു ടീമുൾക്കും വ്യക്തമായ ആധിപത്യം ആദ്യ പകുതിയിൽ നേടാൻ ആയില്ല. പന്ത് കൂടുതൽ സമയം കൈവശം വെച്ച് സിറ്റിക്ക് അവരുടെ താളം കണ്ടെത്താൻ ഇതുവരെ ആയിട്ടില്ല.
ഇന്ന് ഇസ്താംബുളിൽ മാഞ്ചസ്റ്റർ സിറ്റി അത്ര നല്ല തുടക്കം ആയിരുന്നില്ല ലഭിച്ചത്. സിമോൺ ഇൻസാഗിയുടെ ഇന്റർ മിലാൻ കൃത്യമായ ടാക്ടിസുകളുമായി നല്ല രീതിയിൽ കളി തുടങ്ങി. തുടക്കം മുതൽ സിറ്റിയെ പ്രസ് ചെയ്ത് സ്പേസ് നൽകാതെ തടയാൻ ഇന്റർ മിലാനായി. 26ആം മിനുട്ടിലാണ് സിറ്റിയുടെ ആദ്യ നല്ല അവസരം വന്നത്.
ഹാളണ്ടിന്റെ ഒരു ഇടംകാലൻ സ്ട്രൈക്ക് ലക്ഷെ ഇന്റർ ഗോൾ കീപ്പർ ഒനാന സമർത്ഥമായി തടഞ്ഞു. മത്സരത്തിന്റെ 35ആം മിനുട്ടിൽ പരിക്ക് കാരണം കെവിൻ ഡി ബ്രുയിനെ കളം വിട്ടത് മാഞ്ചസ്റ്റർ സിറ്റിക്ക് വലിയ തിരിച്ചടിയായി. യുവതാരം ഫിൽ ഫോഡനാണ് പകരം കളത്തിൽ എത്തിയത്.