ഇന്ന് ആൻഫീൽഡിൽ നടക്കുന്ന യുവേഫ ചാമ്പ്യൻസ് ലീഗ് റൗണ്ട് ഓഫ് 16 ഘട്ടത്തിൽ ലിവർപൂൾ റയൽ മാഡ്രിഡിനെ നേരിടാൻ ഒരുങ്ങുകയാണ്. ഗംഭീര പ്രകടനം നടത്തിയാൽ മാത്രമെ സ്പാനിഷ് ഭീമന്മാരെ തോൽപ്പിക്കാൻ ലിവർപൂളിന് ആകൂ എന്ന് പരിശീലകൻ ക്ലോപ്പ് പറഞ്ഞു. റയൽ മാഡ്രിഡ് മികച്ച മത്സരം കാഴ്ചവെച്ചില്ല എങ്കിൽ പോലും വിജയിക്കാൻ സാധ്യതയുണ്ട്. അത്രയ്ക്ക് മികവ് അവർക്ക് ഉണ്ട്. ക്ലോപ്പ് പറഞ്ഞു.
റയൽ മാഡ്രിഡിന്റെ മാനേജർ കാർലോ ആഞ്ചലോട്ടിയെയും ക്ലോപ്പ് പ്രശംസിച്ചു, താൻ ഇതുവരെ കണ്ടിട്ടുള്ളതിൽ വച്ച് ഏറ്റവും ശാന്തനായ മാനേജർ ആണ് ആഞ്ചലോട്ടി എന്ന് ക്ലോപ്പ് അദ്ദേഹത്തെ വിശേഷിപ്പിച്ചു.
കഴിഞ്ഞ ചാമ്പ്യൻസ് ലീഗ് ഫൈനലിൽ കിരീട പോരാട്ടത്തിൽ റയൽ മാഡ്രിഡ് ലിവർപൂളിനെ തോൽപ്പിച്ചിരുന്നു. മുമ്പ് 2018ലും റയലും ലിവർപൂളും ഏറ്റുമുട്ടിയപ്പോൾ വിജയം റയൽ മാഡ്രിഡിന് ഒപ്പമായിരുന്നു.