യുഫേഫ ചാമ്പ്യൻസ് ലീഗ് ചരിത്രത്തിൽ ഗോൾ നേടുന്ന നാലാമത്തെ മാത്രം ഗോൾ കീപ്പർ ആയി ഇവാൻ പ്രൊവഡൽ. ഇന്നലെ അത്ലറ്റികോ മാഡ്രിഡിന് എതിരായ മത്സരത്തിൽ ലാസിയോക്ക് ആയി 94 മത്തെ മിനിറ്റിൽ ലൂയിസ് ആൽബർട്ടോയുടെ ക്രോസിൽ നിന്നു ഉഗ്രൻ ഹെഡറിലൂടെയാണ് ഇറ്റാലിയൻ ഗോൾ കീപ്പർ ഗോൾ നേടിയത്.
94 മത്തെ നമ്പർ അണിഞ്ഞ താരത്തിന്റെ ഗോളിൽ 94 മത്തെ മിനിറ്റിൽ ലാസിയോ സമനിലയും നേടി. ചാമ്പ്യൻസ് ലീഗിൽ ഇതിനു മുമ്പ് 3 ഗോൾ കീപ്പർമാർ ആണ് ഗോൾ നേടിയിട്ടുള്ളത്. ഹാൻസ്-ഹോർജ് ബട്ട്, സിനാൻ ബൊലാറ്റ്, വിൻസെന്റ് എനെയെമ എന്നിവർ ആണ് ഇതിനു മുമ്പ് ചാമ്പ്യൻസ് ലീഗിൽ ഗോൾ നേടിയ ഗോൾ കീപ്പർമാർ.