ലിവർപൂളിനെതിരായ തോൽവിക്ക് നെയ്മറിനെ മാത്രം കുറ്റം പറയേണ്ട കാര്യമില്ലെന്ന് പി എസ് ജി ക്യാപ്റ്റൻ തിയാഗോ സിൽവ. കളിച്ച എല്ലാവരും ഇക്കാര്യത്തിൽ കുറ്റക്കാർ ആണെന്നും സിൽവ. ആൻഫീൽഡിൽ ഫിർമിനോ അവസാന നിമിഷം നേടിയ ഗോളിൽ ലിവർപൂൾ 3-2 ന് ജയം സ്വന്തമാക്കിയിരുന്നു.
“നെയ്മർ ടീമിനെ സഹായിക്കാനാണ് ശ്രമിച്ചത്, പരിശീലകൻ ആവശ്യപ്പെട്ട രീതിയിലാണ് നെയ്മർ കളിച്ചത്” എന്നാണ് തിയാഗോ സിൽവ അഭിപ്രായപ്പെട്ടത്. ആളുകൾ ഒരു ഇരയെ തിരഞ്ഞെടുക്കും പക്ഷെ തോൽവിയിൽ പി എസ് ജി യുടെ എല്ലാ കളിക്കാർക്കും പങ്കുണ്ട്.
റെന്നെസിനെതിരെ ലീഗിൽ നടക്കുന്ന അടുത്ത മത്സരത്തിൽ ജയിക്കാനാവും പി എസ് ജി യുടെ ശ്രമം.
