സാൻ സിറോ സ്റ്റേഡിയത്തിൽ നടന്ന ആവേശകരമായ ചാമ്പ്യൻസ് ലീഗ് പ്രീ ക്വാർട്ടർ പോരാട്ടത്തിന്റെ ആദ്യ പാദത്തിൽ ടോട്ടൻഹാമിനെതിരെ എസി മിലാൻ 1-0ന്റെ വിജയം നേടി. 7-ാം മിനിറ്റിൽ ബ്രാഹിം ഡയസ് ഒരു മികച്ച റീബൗണ്ടിലൂടെ ആണ് വിജയ ഗോൾ നേടിയത്. 2014ന് ശേഷമുള്ള എ സി മിലാന്റെ ചാമ്പ്യൻസ് ലീഗ് നോക്കൗട്ട് ഘട്ടത്തിലെ ആദ്യ ഗോളായിരുന്നു ഇത്.
മിലാനു വേണ്ടി ഡയസ് നേടിയ 20-ാം ഗോളാണ് ഇത്. ഇത് ആദ്യമായാണ് എസി മിലാൻ ടോട്ടൻഹാമിനെ പരാജയപ്പെടുത്തുന്നത്, ഈ വിജയം മിലാന് രണ്ടാം പാദത്തിൽ മുൻതൂക്കം നൽകും. എന്നാൽ ലണ്ടണിൽ വെച്ച് മിലാനെ മറികടന്ന് ക്വാർട്ടറിലേക്ക് പോകാൻ എന്ന പ്രതീക്ഷയിലാണ് സ്പർസ്.
