പി.എസ്.ജിയിൽ തന്നെ എപ്പോഴും ബലിയാടാക്കിയെന്ന് തിയാഗോ സിൽവ

Staff Reporter

Download the Fanport app now!
Appstore Badge
Google Play Badge 1

പി.എസ്.ജിയിൽ ടീം തോൽക്കുമ്പോൾ തന്നെ എപ്പോഴും ബലിയാടാക്കിയെന്ന് ചെൽസി പ്രതിരോധ താരം തിയാഗോ സിൽവ. ചാമ്പ്യൻസ് ലീഗ് ഫൈനലിൽ മാഞ്ചസ്റ്റർ സിറ്റിയെ പരാജയപ്പെടുത്തി കിരീടം നേടിയതിന് ശേഷം സംസാരിക്കുകയായിരുന്നു തിയാഗോ സിൽവ. കഴിഞ്ഞ സമ്മർ ട്രാൻസ്ഫർ വിൻഡോയിൽ ഫ്രീ ട്രാൻസ്ഫറിലാണ് പി.എസ്.ജിയിൽ നിന്ന് സിൽവ ചെൽസിയിൽ എത്തുന്നത്.

ഇത് തന്റെ കരിയറിലെ ഏറ്റവും മികച്ച ഓർമ ആണെന്നും ചാമ്പ്യൻസ് ലീഗ് കിരീടം നേടാൻ കഴിഞ്ഞതിൽ തനിക്ക് ഒരുപാട് സന്തോഷം ഉണ്ടെന്നും തിയാഗോ സിൽവ പറഞ്ഞു. മത്സരം തുടങ്ങി അധികം വൈകാതെ തന്നെ തിയാഗോ സിൽവ പരിക്കേറ്റ് പുറത്തുപോയിരുന്നു. എന്നാൽ ചാമ്പ്യൻസ് ലീഗ് ഫൈനൽ പോലെയൊരു ഒരു മത്സരത്തിൽ പൂർണമായും ഫിറ്റ് ആവാതെ കളിക്കാൻ കഴിയില്ലെന്നും സിൽവ പറഞ്ഞു.

പി.എസ്.ജിയിൽ ടീം പരാജയപ്പെടുമ്പോൾ എല്ലാവരും തന്നെ ബലിയാടാക്കിയെന്നും താൻ ആയിരുന്നു എല്ലാ സമയത്തും കുറ്റകാരൻ എന്നും സിൽവ പറഞ്ഞു. എന്നാൽ പി.എസ്.ജി ഭാവിയിൽ ചാമ്പ്യൻസ് ലീഗ് കിരീടം നേടട്ടെയെന്നും അവിടെ തനിക്ക് ഒരുപാട് സുഹൃത്തുക്കൾ ഉണ്ടെന്നും സിൽവ പറഞ്ഞു.