ചാമ്പ്യൻസ് ലീഗ് മത്സരത്തിൽ ഇറങ്ങും മുമ്പ് മാഞ്ചസ്റ്റർ യുണൈറ്റഡിന് ആശ്വാസ വാർത്ത. അവരുടെ എതിരാളികളായ അറ്റലാന്റയുടെ ഒരു പ്രധാന താരത്തിന് കൂടെ പരിക്കേറ്റിരിക്കുകയാണ്. അറ്റലാന്റയുടെ ക്യാപ്റ്റൻ ആയ റാഫേൽ ടൊളോയി ആണ് പരിക്കേറ്റ് പുറത്തായിരിക്കുന്നത്. എമ്പോളിക്ക് എതിരായ അറ്റലാന്റയുടെ മത്സരത്തിന് ഇടയിലായിരുന്നു ടൊളോയിക്ക് പരിക്കേറ്റത്. താരം മാഞ്ചസ്റ്ററിലേക്ക് വരുന്ന അറ്റലാന്റ ടീമിനൊപ്പം ഉണ്ടാകില്ല.
അറ്റലാന്റയുടെ ഡിഫൻഡർ ആയ ബെറാടും പരിക്ക് കാരണം കളിക്കില്ല. ബെരാടിന് രാജ്യാന്തര മത്സരത്തിന് ഇടയിലായിരുന്നു പരിക്കേറ്റത്. ഗ്രൂപ്പിൽ ഒരു വിജയവും ഒരു പരാജയവുമായി നിൽക്കുന്ന മാഞ്ചസ്റ്റർ യുണൈറ്റഡിന് നാളെ വിജയം അത്യാവശ്യമാണ്. നാളെ കൂടെ വിജയിക്കാൻ ആയില്ല എങ്കിൽ ഒലെയുടെ പരിശീലകനെന്ന ഭാവി ലിവർപൂൾ മത്സരത്തോടെ തീരുമാനം ആയേക്കും.