Category: Carabao Cup

കളിക്കാർക്കും സ്റ്റാഫുകൾക്കുമിടയിൽ കോവിഡ് -19 വ്യപനം ഉണ്ടായതിനാൽ വ്യാഴാഴ്ച ആഴ്സണലിനെതിരായ കാരബാവോ കപ്പ് സെമി ഫൈനൽ ആദ്യ പാദം മാറ്റിവയ്ക്കാൻ ലിവർപൂൾ അഭ്യർത്ഥിച്ചു. മാനേജർ ക്ലോപ്പ്, ഗോൾകീപ്പർ അലിസൺ ബെക്കർ, ഡിഫൻഡർ ജോയൽ മാറ്റിപ്പ്, ഫോർവേഡ് റോബർട്ടോ ഫിർമിനോ, മറ്റ് മൂന്ന് സ്റ്റാഫ് അംഗങ്ങൾ എന്നിവർക്ക് കഴിഞ്ഞ ആഴ്ച കൊറോണ പോസിറ്റീവ് ആയിരുന്നു. ഇപ്പോൾ കൂടുതൽ കേസുകൾ വന്നതോടെയാണ് സെമി ഫൈനൽ മാറ്റിവെക്കാൻ ലിവർപൂൾ ആവശ്യപ്പെട്ടത്.

കൂടുതൽ പോസിറ്റീവ് കേസുകൾ കാരണം ക്ലബിന്റെ പരിശീലന ഗ്രൗണ്ട് ചൊവ്വാഴ്ച അടച്ചു. സലാ, മാനെ, നാബി കേറ്റ എന്നിവർ ആഫ്രിക്കൻ നാഷൺസ് കപ്പിനും കൂടെ പോയതോടെ ലിവർപൂൾ കളിക്കാൻ താരങ്ങൾ ഇല്ലാതെ കഷ്ടപ്പെടുകയാണ്.

ലീഗ് കപ്പിൽ ബ്രെന്റ്ഫോർഡിന്റെ ചെറുത്തുനിൽപ്പ് മറികടന്ന് ലീഗ് കപ്പ് സെമി ഫൈനൽ ഉറപ്പിച്ച് ചെൽസി. ഇന്ന് നടന്ന ക്വാർട്ടർ ഫൈനൽ മത്സരത്തിൽ ഏകപക്ഷീയമായ 2 ഗോളുകൾക്ക് ബ്രെന്റ്ഫോർഡിനെ തോൽപ്പിച്ചാണ് ചെൽസി സെമി ഫൈനൽ ഉറപ്പിച്ചത്. അക്കാദമി താരങ്ങളായ സിമോൺസ്‌, വെയ്ൽ, സൂൺസപ് ബെൽ എന്നിവർ ഇന്നത്തെ മത്സരത്തിൽ ചെൽസിക്ക് വേണ്ടി അരങ്ങേറ്റം നടത്തുകയും ചെയ്തു. ആദ്യ പകുതിയിൽ ചെൽസിക്കൊപ്പം ബ്രെന്റഫോർഡ് പൊരുതിനോക്കിയെങ്കിലും ഗോൾ മാത്രം പിറന്നില്ല. ആദ്യ പകുതിയിൽ ലഭിച്ച അവസരങ്ങൾ മുതലാക്കാനാവാതെ പോയതാണ് ബ്രെന്റഫോർഡിന് തിരിച്ചടിയായത്.

മത്സരത്തിന്റെ 80ആം മിനുറ്റ് വരെ ചെൽസി ആക്രമണം തടയാൻ ബ്രെന്റഫോർഡിന് കഴിഞ്ഞെങ്കിലും ജാൻസന്റെ സെൽഫ് ഗോളിൽ ബ്രെന്റഫോർഡ് മത്സരത്തിൽ പിറകിലായി. പകരക്കാരനായി ഇറങ്ങിയ റീസ് ജയിംസിന്റെ ക്രോസിന് കാല് വെച്ച ജാൻസൺ സ്വന്തം ഗോൾ വല കുലുക്കുകയായിരുന്നു. തുടർന്ന് അധികം താമസിയാതെ ചെൽസി താരം പുലിസിക്കിനെ ഫൗൾ ചെയ്തതിന് അനുകൂലമായി ലഭിച്ച പെനാൽറ്റി ഗോളാക്കി ജോർഗീനോ ചെൽസിയുടെ രണ്ടാമത്തെ ഗോളും വിജയവും ഉറപ്പിക്കുകയായിരുന്നു.

ആഴ്സണൽ ലീഗ് കപ്പ് സെമിയിൽ പ്രവേശിച്ചു. ഇന്ന് നടന്ന ക്വാർട്ടർ ഫൈനലിൽ സണ്ടർലാന്റിനെ ആണ് ആഴ്സണൽ പരാജയപ്പെടുത്തിയത്. ഒന്നിനെതിരെ അഞ്ച്യ് ഗോളുകൾക്കായിരുന്നു ആഴ്സണൽ വിജയം. യുവതാരം എങ്കിറ്റിയ ഇന്ന് ആഴ്സണലിനായി ഹാട്രിക്ക് നേടി. 17ആം മിനുട്ടിലാണ് എങ്കിറ്റിയയിലൂടെ ആഴ്സണൽ ലീഡ് എടുത്തത്. 27ആം മിനുട്ടിൽ പെപെ ആഴ്സണൽ ലീഡ് ഇരട്ടിയാക്കി. 31ആം മിനുട്ടിലെ ബ്രോഡ്ഹെഡിന്റെ ഗോൾ സണ്ടർലാണ്ടിന് പ്രതീക്ഷ നൽകി.

രണ്ടാം പകുതിയിൽ എങ്കിറ്റിയയുടെ ഗോളുകൾ ആഴ്സണൽ വിജയം ഉറപ്പിച്ചു. 49ആം മിനുട്ടിലും 58ആം മിനുട്ടിലുമായിരുന്നു ഗോളുകൾ. ഒരു ബാക്ക് ഹീൽ ഗോളിലൂടെയാണ് താരം ഹാട്രിക്ക് തികച്ചത്. അവസാന മിനുട്ടിൽ പറ്റിനോയും ആഴ്സണലിനായി ഗോൾ നേടി. നാളെ ബാക്കി മൂന്ന് ക്വാർട്ടർ ഫൈനലുകൾ നടക്കും‌.

ലീഗ് കപ്പിൽ ലെസ്റ്റർ സിറ്റിയോട് തോറ്റ് ബ്രൈറ്റൺ പുറത്ത്. ലെസ്റ്ററിന്റെ ഹോം ഗ്രൗണ്ടിൽ നടന്ന മത്സരത്തിൽ പെനാൾട്ടി ഷൂട്ടൗട്ടിൽ ആണ് ലെസ്റ്റർ വിജയിച്ചത്. നിശ്ചിത സമയത്ത് 2-2 എന്ന നിലയിലായുരുന്നു മത്സരം. തുടക്കത്തിൽ ബ്രൈറ്റൺ ഡിഫൻസിലെ പിഴവ് മുതലെടുത്ത് ഹാർവി ബാർൺസ് ആണ് ലെസ്റ്ററിന് ലീഡ് നൽകിയത്. ഇതിന് 45ആം മിനുട്ടിൽ വെബ്സ്റ്ററിലൂടെ ബ്രൈറ്റൺ മറുപടി നൽകി. സെക്കൻഡുകൾക്കകം ലോക്മാൻ ലെസ്റ്ററിനെ വീണ്ടും മുന്നിൽ എത്തിച്ചു. ഇതും ബ്രൈറ്റണ് നൽകിയ സംഭാവന ആയിരുന്നു.

രണ്ടാം പകുതിയിൽ എംവേപു വീണ്ടും ബ്രൈറ്റണെ ഒപ്പം എത്തിച്ചു. പെനാൾട്ടി ഷൂട്ടൗട്ടിൽ 5-3നാണ് ലെസ്റ്റർ വിജയിച്ചത്. ബ്രൈറ്റണ് ഇത് വിജയമില്ലാത്ത തുടർച്ചയായ അഞ്ചാമത്തെ മത്സരമാണ്

അവസാന നാലു സീസണിലും ലീഗ് കപ്പ് കിരീടം ഉയർത്തിയ മാഞ്ചസ്റ്റർ സിറ്റി ഇത്തവണ ലീഗ് കപ്പ് ഉയർത്തില്ല. ലീഗ് കപ്പ് നാലാം റൗണ്ടിൽ ഡേവിഡ് മോയ്സിന്റെ വെസ്റ്റ് ഹാം ആണ് മാഞ്ചസ്റ്റർ സിറ്റിയെ തോൽപ്പിച്ചത്. പെനാൾട്ടി ഷൂട്ടൗട്ടിൽ
ആയിരുന്നു വെസ്റ്റ് ഹാമിന്റെ വിജയം. പന്ത് കുറേ സമയം കൈവശം വെച്ചു എങ്കിലും പെപ് ഗ്വാർഡിയോളയുടെ ടീമിന് ഇന്ന് അവസരങ്ങൾ മുതലെടുക്കാൻ ആയില്ല. കളി നിശ്ചിത സമയത്ത് ഗോൾ രഹിതമായാണ് നിന്നത്.

പെനാൾട്ടി ഷൂട്ടൗട്ടിൽ 5-3 എന്ന സ്കോറിനാണ് വെസ്റ്റ് ഹാം വിജയിച്ചത്. സ്റ്റെർലിംഗ്, ഡിബ്രുയിൻ, മെഹ്റസ്, ഗുണ്ടോഗൻ എന്നിവർ ഒക്കെ ഇറങ്ങിയിട്ടും വിജയിക്കാൻ ആവാത്തത് പെപിന് വലിയ നിരാശ നൽകും. പെപ് ഗ്വാർഡിയോള പരിശീലകനായി എത്തിയ ശേഷം ഇത് രണ്ടാം തവണ മാത്രമാണ് സിറ്റി ലീഗ് കപ്പിൽ പരാജയപ്പെടുന്നത്‌

പ്രീമിയർ ലീഗിൽ ഗംഭീര ഫോമിൽ ഉള്ള ലിവർപൂൾ അനായാസം ലീഗ് കപ്പ് ക്വാർട്ടർ ഫൈനലിലേക്ക് കടന്നു. പ്രമുഖ താരങ്ങൾക്ക് ഒക്കെ വിശ്രമം നൽകി കിണ്ട് ഇറങ്ങിയ ലിവർപൂൾ ഇന്ന് പ്രസ്റ്റൺ നോർത്തിനെ എതിരില്ലാത്ത രണ്ടു ഗോളുകൾക്കാണ് ക്ലോപ്പിന്റെ ടീം പരാജയപ്പെടുത്തിയത്. രണ്ടാം പകുതിയിലാണ് ലിവർപൂളിന്റെ രണ്ടു ഗോളുകളും വന്നത്. 62ആം മിനുട്ടിൽ മിനാമിനോയുടെ വക ആയിരുന്നു ആദ്യ ഗോൾ. താരത്തിന്റെ ലീഗ് കപ്പിലെ അഞ്ചു മത്സരങ്ങളിൽ നിന്നുള്ള അഞ്ച ഗോളായിരുന്നു ഇത്.

84ആം ഒറിഗി രണ്ടാം ഗോൾ നേടിക്കൊണ്ട് ലിവർപൂൾ വിജയം ഉറപ്പിച്ചു. ലിവർപൂളിന്റെ ലീഗ് മത്സരങ്ങളിലെ ആദ്യ ഇലവനിൽ ഉണ്ടാകുന്ന ആരും ഇന്ന് കളത്തിൽ ഇറങ്ങിയില്ല. എന്നിട്ടും പ്രസ്റ്റണ് മേൾ സമ്പൂർണ്ണ ആധിപത്യം പുലർത്താൻ ലിവർപൂളിനായി.