ഇംഗ്ലീഷ് ലീഗ് കപ്പ് മൂന്നാം റൗണ്ടിൽ പ്രീമിയർ ലീഗ് ക്ലബുകൾ തമ്മിലുള്ള പോരാട്ടത്തിൽ എവർട്ടണിനെ ഒന്നിനെതിരെ നാലു ഗോളുകൾക്ക് തകർത്തു ബോർൺമൗത്ത്. ജമാൽ ലൊ, ജൂനിയർ സ്റ്റാനിസ്ലാസ് പകരക്കാരായി ഇറങ്ങിയ എമിലിയാനോ മാർകണ്ടോസ്, ജെയിഡൻ ആന്റണി എന്നിവർ ആണ് ബോർൺമൗത്ത് ഗോളുകൾ നേടിയത്. അതേസമയം ഡിമാറി ഗ്രെ എവർട്ടണിന്റെ ആശ്വാസ ഗോൾ കണ്ടത്തി.
അതേസമയം ലെസ്റ്റർ സിറ്റി ലീഗ് 2 ക്ലബ് ആയ ന്യൂപോർട്ടിനെ എതിരില്ലാത്ത 3 ഗോളുകൾക്ക് തകർത്തു. ജെയ്മി വാർഡി ഇരട്ടഗോളുകൾ നേടിയ മത്സരത്തിൽ ജെയിംസ് ജസ്റ്റിൻ ആണ് മൂന്നാം ഗോൾ നേടിയത്. അതേസമയം ലീഗ് 2 വിൽ തരം താഴ്ത്തൽ ഭീഷണി നേരിടുന്ന ഗില്ലിങ്ഹാമിനോട് തോറ്റ് ബ്രന്റ്ഫോർഡ് ലീഗ് കപ്പിൽ നിന്നു പുറത്തായി. പെനാൽട്ടി ഷൂട്ട് ഔട്ടിൽ ദാംസ്ഗാർഡ് പെനാൽട്ടി പാഴാക്കിയതോടെയാണ് അവർ പുറത്തായത്.