ഫോഡന്റെ ആദ്യ ഗോൾ പിറന്നു, സിറ്റിക്ക് ജയം

ടീനേജ് താരം ഫിൽ ഫോഡൻ നേടിയ ഗോളിന്റെ പിൻബലത്തിൽ മാഞ്ചസ്റ്റർ സിറ്റിക്ക് കാരബാവോ കപ്പിൽ ജയം. ഓക്സ്ഫോഡിനെ എതിരില്ലാത്ത 3 ഗോളുകൾക്ക് മറികടന്ന അവർ കാരബാവോ കപ്പിന്റെ നാലാം റൗണ്ടിൽ കടന്നു.

പ്രധാന തരങ്ങൾക്കെല്ലാം വിശ്രമം നൽകിയാണ് ഗാർഡിയോള ടീമിനെ ഇറക്കിയത്. ആദ്യ പകുതിയിൽ ഗബ്രിയേൽ ജിസൂസിലൂടെ മുന്നിലെത്തിയ അവർ രണ്ടാം പകുതിയിൽ 78 ആം മിനുട്ടിൽ റിയാദ് മഹ്റസിലൂടെ ലീഡ് രണ്ടാക്കി. ഇഞ്ചുറി ടൈമിലാണ് സിറ്റി ടീനേജർ ഫോഡന്റെ ആദ്യ സിറ്റി ഗോൾ പിറന്നത്. ഇതോടെ സിറ്റി അനായാസ ജയം പൂർത്തിയാക്കി.