ബ്രാഹിം ഡയസിന് ഇരട്ട ഗോൾ, ലീഗ് കപ്പിൽ മാഞ്ചസ്റ്റർ സിറ്റി മുന്നോട്ട്

ഇംഗ്ലീഷ് ലീഗ് കപ്പിൽ മാഞ്ചസ്റ്റർ സിറ്റി ക്വാർട്ടറിൽ. ഇന്ന് നടന്ന മത്സരത്തിൽ ഫുൾഹാമിനെ എതിരില്ലാത്ത രണ്ടു ഗോളുകൾക്ക് തോൽപ്പിച്ചാണ് മാഞ്ചസ്റ്റർ സിറ്റി ക്വാർട്ടറിലേക്ക് കടന്നത്. യുവതാരം ബ്രാഹിം ഡയസിന്റെ ഇരട്ട ഗോളുകളാണ് കളി സിറ്റിക്ക് എളുപ്പമാക്കിയത്. പ്രമുഖരിൽ പലരും ഇല്ലാതെയാണ് സിറ്റി ഇന്ന് ഇറങ്ങിയത്.

18ആം മിനുട്ടിൽ ആയിരു‌ന്നു 19കാരനായ ഡയസിന്റെ ആദ്യ ഗോൾ. രണ്ടാം പകുതിയിൽ 65ആം മിനുട്ടിൽ രണ്ടാം ഗോളും നേടി സിറ്റിയുടെ ക്വാർട്ടർ പ്രവേശനം ഡയസ് ഉറപ്പിച്ചു. മാഞ്ചസ്റ്റർ സിറ്റിയുടെ തുടർച്ചയായ അഞ്ചം ക്ലീൻഷീറ്റായിരുന്നു ഇത്. എതിഹാദ് സ്റ്റേഡിയത്തിൽ അവസാന അഞ്ചു തവണ സന്ദർശിട്ടും ഒരു ഗോൾ നേടാൻ ഫുൾഹാമിനായിട്ടില്ല.