രക്ഷിക്കാൻ വന്ന കെപ വില്ലനായി, ലിവർപൂൾ ലീഗ് കപ്പ് ചാമ്പ്യന്മാർ!!

Staff Reporter

Liverpool Carabao Cup
Download the Fanport app now!
Appstore Badge
Google Play Badge 1

വെംബ്ലി ഫുട്ബോൾ സ്റ്റേഡിയത്തെ തീപിടിപ്പിച്ച ലീഗ് കപ്പ് ഫൈനൽ പോരാട്ടത്തിൽ കിരീടം സ്വന്തമാക്കി ലിവർപൂൾ. ആവേശകരമായ മത്സരത്തിൽ നിശ്ചിത സമയത്തും എക്സ്ട്രാ ടൈമിലും ഇരു ടീമുകളും ഗോൾ രഹിത സമനിലയിൽ പിരിഞ്ഞതിനെ തുടർന്നാണ് മത്സരം പെനാൽറ്റി ഷൂട്ട്ഔട്ടിൽ എത്തിയത്. ഇരു ടീമുകളും 11 പെനാൽറ്റി കിക്കുകൾ എടുത്ത മത്സരത്തിൽ ചെൽസി ഗോൾ കീപ്പർ കെപയുടെ അവസാന കിക്ക്‌ ബാറിന് മുകളിലൂടെ പോയതോടെയാണ് ലിവർപൂൾ ജേതാക്കളായത്.

മത്സരം ഗോൾ രഹിതമായിരുന്നെങ്കിലും ഒരു മിനിറ്റ് പോലും ആവേശം ചോരാത്ത പ്രകടനമാണ് ഇരു ടീമുകളും നടത്തിയത്. ഇരു ടീമുകളുടെയും ഗോള കീപ്പർമാരുടെയും വാറിന്റെയും ഇടപെടൽ ആണ് മത്സരം ഗോൾ പിറക്കാതെ പോയത്. ലിവർപൂളും ചെൽസിയും മത്സരത്തിൽ ഗോളുകൾ നേടിയെങ്കിലും വാർ ഇടപെട്ട് തടഞ്ഞത് ഇരു ടീമുകൾക്കും തിരിച്ചടിയായി. തുടർന്ന് എക്സ്ട്രാ ടൈമിലും മത്സരം ആവേശകരമായെങ്കിലും ഗോൾ പിറക്കാതെ പോവുകയായിരുന്നു. തുടർന്നാണ് അവസാന കിക്ക്‌ എടുത്ത ചെൽസി ഗോൾ കീപ്പർ കെപയുടെ കിക്ക്‌ ബാറിന് മുകളിലൂടെ പുറത്ത് പോയത്.