കാരബാവോ കപ്പ് : ആഴ്സണലിനും സ്പർസിനും ജയം

na

Download the Fanport app now!
Appstore Badge
Google Play Badge 1

കാരബാവോ കപ്പിൽ ആഴ്സണലിനും ടോട്ടൻഹാമിനും ജയം. ആഴ്സണൽ 2-1 ന് ബ്ലാക്പൂളിനെ മറികടന്നപ്പോൾ സ്പർസ് 3-1 നാണ് വെസ്റ്റ് ഹാമിനെ തോൽപിച്ചത്. ഇതേ സമയം ക്രിസ്റ്റൽ പാലസ് എതിരില്ലാത്ത ഒരു ഗോളിന് മിഡിൽസ്ബറോയോട് തോറ്റ് പുറത്തായി.

ഇരു ടീമുകളും ചുവപ്പ് കാർഡ് കണ്ട മത്സരത്തിൽ കഷ്ടപ്പെട്ടാണ് ആഴ്സണൽ ജയിച്ചു കയറിയത്. സ്റ്റെഫാൻ ലേയ്ച്ചസ്റ്റൈനറിന്റെ ഗോളിൽ മുന്നിൽ എത്തിയ ആഴ്സണൽ രണ്ടാം പകുതിയിൽ സ്മിത്ത് റോയുടെ ഗോളിൽ ലീഡ് ഉയർത്തി. പക്ഷെ മത്സരം 25 മിനിറ്റോളം ബാക്കി നിൽക്കേ ബ്ളാക്പൂൾ ഗോൾ മടക്കിയത് ആഴ്സണലിന് ആശങ്ക സമ്മാനിച്ചെങ്കിലും രണ്ടാം ഗോൾ നേടാൻ ബ്ലാക്ക്‌പൂളിനായില്ല.

ഹ്യുങ് മിൻ സോണിന്റെ മികച്ച ഫോമാണ് സ്പർസിന് വെസ്റ്റ്ഹാമിനെതിരെ ജയം സമ്മാനിച്ചത്. സോൺ രണ്ട് ഗോളുകൾ നേടിയ മത്സരത്തിൽ സ്പർസിനായി യോറന്റെ ഒരു ഗോളും നേടി. ലൂക്കസ് പെരസാണ് ഹാമേഴ്സിന്റെ ഏക ഗോൾ നേടിയത്.