ഇംഗ്ലീഷ് ലീഗ് കപ്പ് മൂന്നാം റൗണ്ട് ഇന്ന് മുതൽ, യുണൈറ്റഡും സിറ്റിയും ഇന്ന് ഇറങ്ങും

ഇംഗ്ലീഷ് ലീഗ് കപ്പായ കാർബാവോ കപ്പിന്റെ മൂന്നാം റൗണ്ട് മത്സരങ്ങൾ ഇന്ന് മുതൽ ആരംഭിക്കും. പ്രീമിയർ ലീഗ് ക്ലബുകൾ മൂന്നാം റൗണ്ട് മുതലാണ് ഈ ടൂർണമെന്റിൽ പങ്കെടുക്കുന്നത്. ഇന്ന് മാഞ്ചസ്റ്റർ യുണൈറ്റഡ്, മാഞ്ചസ്റ്റർ സിറ്റി എന്നീ ടീമുകളുടെ മത്സരം ഉണ്ട്. മാഞ്ചസ്റ്റർ സിറ്റിയാണ് നിലവിലെ ലീഗ് കപ്പ് ചാമ്പ്യന്മാർ. ഇന്ന് ഓക്സ്ഫോർഡ് യുണൈറ്റഡുമായാണ് മാഞ്ചസ്റ്റർ സിറ്റിയുടെ മത്സരം.

മാഞ്ചസ്റ്റർ യുണൈറ്റഡിന് ചാമ്പ്യൻഷിപ്പ് ക്ലബായ ഡെർബി കൗണ്ടിയാണ് ഇന്ന് എതിരാളികൾ. ഈ മത്സരത്തിന് വേറൊരു പ്രത്യേകത കൂടിയുണ്ട്. മൗറീനോയും മൗറീനോയുടെ കീഴിൽ ചെൽസിയിൽ ഉണ്ടായിരുന്ന ഇംഗ്ലീഷ് താരം ലാമ്പാർഡും മാനേജർ എന്ന നിലയിൽ നേർക്കുനേർ വരുന്നു എന്നതാണ് ഈ മത്സരത്തെ ശ്രദ്ധേയമാക്കുന്നത്. അവസാന രണ്ട് ഹോം മത്സരങ്ങളും ജയിക്കാൻ കഴിയാതിരുന്ന യുണൈറ്റഡിന് ഇന്ന് ജയിച്ചെ മതിയാകു. എന്നാലും യുവനിരയെ ഇറക്കാനാകും ഇന്ന് മൗറീനോ ശ്രദ്ധിക്കുക.

ഇന്നത്തെ ഫിക്സ്ചറുകൾ (എല്ലാ മത്സരവും രാത്രി 12.15 മുതൽ)

Blackpool vs. QPR
Bournemouth vs. Blackburn
Burton vs. Burnley
Oxford vs. Man City
Preston vs. Middlesbrough
Wolves vs. Leicester
Wycombe vs. Norwich
Man Utd vs. Derby
West Brom vs. Crystal Palace