റെനാറ്റോ സ്റ്റീഫെൻ ടീമിലെത്തിച്ച് വോൾഫ്സ്

- Advertisement -

ബുണ്ടസ് ലീഗയിൽ രണ്ടാം വിന്റർ സൈനിങ്‌ നടത്തിയിരിക്കുകയാണ് വോൾഫ്ബർഗ്. ഇത്തവണ വോൾഫ്സ് ടീമിലെത്തിച്ചിരിക്കുന്നത് റെനാറ്റോ സ്റ്റീഫനെയാണ്. ഏറെ നാളായിട്ടുള്ള വോൾഫ്‌സിന്റെ ടാർജറ്റാണ്‌ റെനാറ്റോ. സ്വിസ്സ് ചാമ്പ്യന്മാരായ ബസേലിനെ ചാമ്പ്യൻസ് ലീഗ് റൌണ്ട് ഓഫ് സിക്സ്റ്റീനിൽ ഏത്തൻ സഹായിച്ചത് റെനാറ്റോയുടെ തകർപ്പൻ പ്രകടനമാണ്. 26 കാരനായ റെനാറ്റോ രണ്ടു മില്യൺ യൂറോയ്ക്കാണ് വോൾഫ്‌സിലെത്തുന്നത്. 2021 വരെ വോക്‌സവാഗൺ അരീനയിലേക്കുള്ളതാണ് റെനാറ്റോയുമായുള്ള കരാറ്.

ഈ സീസണിൽ സ്വിസ്സ് സൂപ്പർ ലീഗിൽ മൂന്നു അസിസ്റ്റുകളും മൂന്നു ഗോളുകളും പതിനേഴ് മത്സരങ്ങളിൽ ബൂട്ടണിഞ്ഞു റെനാറ്റോ സ്റ്റീഫൻ സ്വന്തമാക്കിയിട്ടുണ്ട്. സ്വിറ്റ്സർലാൻഡിനു വേണ്ടി അഞ്ചു തവണ ദേശിയ ടീമിൽ റെനാറ്റോ കളിച്ചിട്ടുണ്ട്. 149 സ്വിസ് സൂപ്പർ കപ്പ് മത്സരങ്ങളിൽ നിന്നായി 35 ഗോളുകൾ റെനാറ്റോ സ്റ്റീഫൻ നേടിയിട്ടുണ്ട്.

കൂടുതൽ കായിക വാർത്തകൾക്ക് : www.facebook.com/FanportOfficial

Advertisement