ഗോൾ അടിച്ചു അടിപ്പിച്ചും ആന്ദ്ര സിൽവ,ജയത്തോടെ ആർ.ബി ലൈപ്സിഗ് ലീഗിൽ രണ്ടാമത്

ജർമ്മൻ ബുണ്ടസ് ലീഗയിൽ വെർഡർ ബ്രമനെ ഒന്നിനെതിരെ രണ്ടു ഗോളുകൾക്ക് തോൽപ്പിച്ചു ആർ.ബി ലൈപ്സിഗ് ലീഗിൽ രണ്ടാം സ്ഥാനത്തേക്ക് ഉയർന്നു. പരാജയത്തോടെ ബ്രമൻ ഒമ്പതാം സ്ഥാനത്തേക്ക് വീണു. പന്ത് കൈവശം വക്കുന്നതിൽ ഇരു ടീമുകളും തുല്യത പാലിച്ച മത്സരത്തിൽ ഏറ്റവും കൂടുതൽ അവസരങ്ങൾ തുറന്നത് ആർ.ബി ലൈപ്സിഗ് ആയിരുന്നു. മത്സരത്തിൽ 13 മത്തെ മിനിറ്റിൽ കൗണ്ടർ അറ്റാക്കിൽ എമിൽ ഫോർസ്ബർഗിന്റെ പാസിൽ നിന്നു ആന്ദ്ര സിൽവ ലൈപ്സിഗിന് മുൻതൂക്കം സമ്മാനിച്ചു.

രണ്ടാം പകുതിയിൽ 56 മത്തെ മിനിറ്റിൽ റൊമാന സ്കിമിഡിന്റെ പാസിൽ നിന്നു ക്രിസ്റ്റിയൻ ഗ്രോസ് ബ്രമനു സമനില സമ്മാനിച്ചു. എന്നാൽ 71 മത്തെ മിനിറ്റിൽ ആന്ദ്ര സിൽവയുടെ പാസിൽ നിന്നു സാവർ സ്ഗലാഗർ ലൈപ്സിഗിന് ജയം സമ്മാനിച്ചു. അതേസമയം ഹോഫൻഹെയിമിനു എതിരെ വോൾവ്ബർഗ് 2-1 നു വിജയം കണ്ടു. എഫ്.സി കോളിനെ എതിരില്ലാത്ത രണ്ടു ഗോളുകൾക്ക് ഹെർത്ത ബെർലിൻ മറികടന്നപ്പോൾ ബയേർ ലെവർകുസൻ സമാനമായ സ്കോറിന് സ്റ്റുഗാർട്ടിനെയും മറികടന്നു.