Category: Bundesliga

ബുണ്ടസ് ലീഗ ക്ലബ്ബായ ഹെർത്ത ബെർലിൻ ആരാധകർക്കായി വ്യത്യസ്തമായൊരു ഓഫറുമായാണ് രംഗത്ത് വന്നിരിക്കുന്നത്. തിരഞ്ഞെടുക്കപ്പെടുന്ന ലക്കി ഫാനിനു ലൈഫ് ലോങ്ങ് സീസൺ ടിക്കറ്റ് നൽകാനാണ് ഹെർത്തയുടെ തീരുമാനം. വെറുതെ സീസൺ ടിക്കറ്റ് നൽകാനല്ല ക്ലബ്ബിന്റെ തീരുമാനം കയ്യിൽ ടാറ്റൂ ആയി പതിച്ചു നൽകാനാണ്. ഒരു QR കോഡ് ടാറ്റൂവിൽ ഉണ്ടാകും. വ്യത്യസ്തമായ ഈ ഓഫർ ക്ലബ്ബ് ഇന്നലെയാണ് ട്വിറ്റെർ അക്കൗണ്ട് വഴി ആരാധകരെ അറിയിച്ചത്.

ടാറ്റൂവിൽ ബെർലിൻ സിറ്റിയുടെ ഔട്ട്ലൈനും രണ്ടു ഫ്ലാഗുകളും ഉണ്ടാകും. ഒരു ഫ്‌ളാഗിൽ ഹെർത്ത ബെർലിന്റെ ബാഡ്ജും രണ്ടാമത്തെ ഫ്ലാഗിൽ QR കൊടും ആയിരിക്കും. 2018 ൽ ഒരു വിജയം പോലും നേടാൻ സാധിക്കാത്ത ഹെർത്ത ബെർലിൻ ഇന്ന് ഹോഫൻഹെയിമിനോട് ഏറ്റുമുട്ടും.

കൂടുതൽ കായിക വാർത്തകൾക്ക് : www.facebook.com/FanportOfficial

ഒബമയാങിന് ഒത്ത പകരക്കാരനാണ് താനെന്ന് മിച്ചി ബാത്ശുവായി തെളിയിച്ച മത്സരത്തിൽ ബൊറൂസിയ ഡോർട്ട് മുണ്ടിന് കൊളോണിനെതിരെ 2-3 ന്റെ മികച്ച ജയം. 2018 ലെ ആദ്യ ബുണ്ടസ് ലീഗ ജയമാണ് ഡോർട്ട് മുണ്ട് നേടിയത്. ഡോർട്ട് മുണ്ടിന്റെ മറ്റൊരു ഗോൾ നേടിയതും മുൻ ചെൽസി താരമായ ആന്ദ്രെ ശൂർലെ ആയിരുന്നു. ജയത്തോടെ 24 പോയിന്റുള്ള ഡോർട്ട് മുണ്ട് പോയിന്റ് ടേബിളിൽ രണ്ടാം സ്ഥാനത്തെത്തി.

രണ്ട് ദിവസങ്ങൾക്ക് മുൻപ് മാത്രം ചെൽസിയിൽ നിന്ന് ലോൺ അടിസ്ഥാനത്തിൽ എത്തിയ ബാത്ശുവായിക്ക് സ്വപ്ന തുല്യമായ തുടക്കമാണ് ബുണ്ടസ് ലീഗെയിൽ ലഭിച്ചത്‌. 35 ആം മിനുട്ടിലാണ് ബാത്ശുവായി ജർമ്മനിയിൽ തന്റെ ആദ്യ ഗോൾ സ്വന്തമാക്കിയത്. പക്ഷെ രണ്ടാം പകുതിയിൽ 60 ആം മിനുട്ടിൽ സിമോൻ സോളറിലൂടെ കൊളോണ് സമനില ഗോൾ കണ്ടെത്തി. പക്ഷെ 2 മിനുട്ടുകൾക്ക് ശേഷം ബാത്ശുവായി വീണ്ടും ഗോൾ നേടി ഡോർട്ട്മുണ്ടിന് ലീഡ് സമ്മാനിച്ചു. ഇത്തവണ ക്രിസ്റ്റിയൻ പുലിസിച്ചിന്റെ പാസിൽ നിന്നാണ് ബാത്ശുവായി ഗോൾ സ്വന്തമാക്കിയത്. പക്ഷെ 69 ആം മിനുട്ടിൽ ജോർജ് മിറേയുടെ ഗോളിൽ കോലാണ് വീണ്ടും ഗോൾ നേടിയതോടെ 2018 ലെ ആദ്യ ജയത്തിനായി ഡോർട്ട്മുണ്ടിന് കാത്തിരിക്കേണ്ടി വരുമെന്ന് തോന്നിച്ചെങ്കിലും 84 ആം മിനുട്ടിൽ ബാത്ശുവായിയുടെ പാസ്സിൽ ശുർലെ അവരുടെ വിജയ ഗോൾ സ്വന്തമാക്കി. അരങ്ങേറ്റത്തിൽ തന്നെ 2 ഗോളുകളും ഒരു അസിസ്റ്റും സ്വന്തമാക്കി ബാത്ശുവായി ചെൽസിയിലെ തന്റെ മോശം നാളുകളിൽ നിന്നുള്ള മോചനം ആഘോഷമാക്കി.

കൂടുതൽ കായിക വാർത്തകൾക്ക് : www.facebook.com/FanportOfficial

ചെൽസിയുടെ അബ്ദുൽ റഹ്മാൻ ബാബ ഷാൽകെയിൽ തിരിച്ചെത്തി. 2018/19 സീസൺ അവസാനം വരെ താരം ഷാൽകെയിൽ ലോണിൽ തുടരും. കഴിഞ്ഞ ടേമിൽ റോയൽ ബ്ലൂസിനു വേണ്ടി 13 ബുണ്ടസ് ലീഗ മത്സരങ്ങൾ കളിച്ചിട്ടുണ്ട്. ബുണ്ടസ് ലീഗ ആരാധകർക്ക് പരിചിതനാണ് 23 കാരനായ താരം. 2015 ൽ ഓഗ്സ്ബർഗിൽ നിന്നാണ് പ്രീമിയർ ലീഗ് ടീമായ ചെൽസിയിലേക്ക് ബാബ മാറുന്നത്.

ഘാനയുടെ ദേശീയ ടീമിൽ അംഗമായ ബാബ 24 തവണ ഘാനയ്ക്ക് വേണ്ടി ബൂട്ട് കെട്ടിയിട്ടുണ്ട്. 2017 ജനുവരിയിൽ വെച്ച് നടന്ന ആഫ്രിക്കൻ കപ്പ് ഓഫ് നേഷൻസിൽ ഗുരുതരമായി പരിക്കേറ്റ ബാബ ഭാഗ്യം കൊണ്ട് മാത്രമാണ് കളിക്കളത്തിലേക്ക് തിരിച്ചെത്തിയത്.

കൂടുതൽ കായിക വാർത്തകൾക്ക് : www.facebook.com/FanportOfficial

സ്‌പെയിനിന്റെ U17 ലോകകപ്പ് താരമായ സെർജിയോ ഗോമസിനെ ബൊറൂസിയ ഡോർട്ട്മുണ്ട് ബാഴ്‌സലോണയിൽ നിന്നും സ്വന്തമാക്കി. ഇന്ത്യയിൽ നടന്ന U17 ലോകകപ്പിൽ ഗോമസ് ഉൾപ്പെട്ട സ്പാനിഷ് ടീം റണ്ണേഴ്‌സ് അപ്പായിരുന്നു. ഫൈനലിൽ ഇംഗ്ലണ്ടിനെതിരെ സ്പാനിഷ് ടീമിന് വേണ്ടി രണ്ട് ഗോളുകളും നേടിയത് സെർജിയോ ഗോമസ് ആയിരുന്നു. ലോകകപ്പിൽ ഉടനീളം മികച്ച പ്രകടനം കാഴ്ചവെച്ച താരം ടൂർണമെന്റിൽ ആകെ നാല് ഗോളുകൾ നേടി. 17 കാരനായ ഗോമസ് മൂന്നു മില്യൺ യൂറോയ്ക്കാണ് ബാഴ്‌സ വിട്ട് ബുണ്ടസ് ലീഗയിലേക്കെത്തിയത്.

യങ് ടാലന്റുകളുടെ ഹബ്ബായ ബൊറൂസിയ ഡോർട്ട്മുണ്ടിൽ സെർജിയോ ഗോമസിനു നേട്ടമാകുമെന്നു നിസംശയം പറയാം. ഡോർട്ട്മുണ്ടിലൂടെ കളിച്ച് തുടങ്ങി ഉയരങ്ങൾ കീഴടക്കിയ താരങ്ങൾക്ക് ഒട്ടേറെ ഉദാഹരണങ്ങൾ ഉണ്ട്. ക്രിസ്റ്റിൻ പുളിസിക്ക്, 18 കാരനായ അലക്‌സാണ്ടർ ഐസക്ക്, പതിനേഴുകാരനായ
ഇംഗ്ളീഷ് താരം ജേഡൻ സാഞ്ചോ എന്നിവരുടെ നിരയിലേക്കാണ് ഗോമസും എത്തുന്നത്. ബേസലിൽ നിന്നും 22 കാരനായ പ്രതിരോധതാരം അകാഞ്ചിയും പീറ്റർ സ്റ്റോജറുടെ യുവനിരയിലേക്കെത്തിയിട്ടുണ്ട്.

കൂടുതൽ കായിക വാർത്തകൾക്ക് : www.facebook.com/FanportOfficial