മറഡോണയുടെ ഓർമ്മക്കായി ആരംഭിച്ച മറഡോണ കപ്പ് ബോക ജൂനിയേഴ്സ് സ്വന്തമാക്കി. ഇന്ന് നടന്ന മത്സരത്തിൽ ബാഴ്സലോണയെ തോൽപ്പിച്ച് ആണ് ബോക ജൂനിയേഴ്സ് കപ്പ് നേടിയത്. പെനാൾട്ടി ഷൂട്ടൗട്ടിലാണ് ബോക ജൂനിയേഴ്സ് ജയിച്ചത്. നിശ്ചിത സമയത്ത് 1-1 എന്നായിരുന്നു സ്കോർ. അമ്പതാം മിനുട്ടിൽ ബ്ലാങ്കിലൂടെ ബാഴ്സലോണ ആണ് ലീഡ് എടുത്തത്. 77ആം മിനുട്ടിൽ സെബയോസിലൂടെ അർജന്റീനൻ ടീം സനില കണ്ടെത്തി. പെനാള്യ്റ്റി ഷൂട്ടൗട്ടിൽ 4-2നായിരുന്നു ബോക ജൂനിയേഴ്സിന്റെ വിജയം. ഇന്ന് ബാഴ്സലോണ മികച്ച ടീമിനെ തന്നെ ആയിരുന്നു ഇറക്കിയത്. ഡാനി ആൽവെസ് ഇന്ന് തന്റെ രണ്ടാം ബാഴ്സലോണ അരങ്ങേറ്റം നടത്തി.