ബാലാ ദേവിയെ ഒഡീഷ എഫ് സി സ്വന്തമാക്കി!!

ഇന്ത്യൻ വനിതാ ഫുട്‌ബോളിലെ ഏറ്റവും വലിയ താരമായ ബാലാ ദേവിയെ ഒഡീഷ എഫ് സി സ്വന്തമാക്കി. ഇന്ത്യൻ വനിതാ ലീഗിന് മുന്നോടിയായാണ് ഈ വലിയ സൈനിംഗ് ഒഡീഷ പൂർത്തിയാക്കിയത്. മുമ്പ് സ്കോട്ടിഷ് ക്ലബ് റേഞ്ചേഴ്സിനായി കളിച്ചിരുന്ന താരമാണ് ബാലാ ദേവി. മണിപ്പൂരിൽ നിന്നുള്ള 33കാരിയുടെ വരവ് ഇന്ത്യൻ വനിതാ ലീഗ് തന്നെ ആവേശകരമാക്കും.

ഇന്ത്യയ്‌ക്കായി 50-ലധികം ഗോളുകൾ നേടിയിട്ടുള്ള ബാലാ ദേവി, മുമ്പ് മണിപ്പൂർ പോലീസ്, ഈസ്റ്റേൺ സ്‌പോർട്ടിംഗ് യൂണിയൻ, KRYPHSA എന്നിവയർക്കായി കളിച്ചിട്ടുണ്ട്. ഇന്ന് ബാലാ ദേവിയുടെ സൈനിംഗ് ഒഡീഷ ഔദ്യോഗികമായി സാമൂഹിക മാധ്യമങ്ങളിലൂടെ പ്രഖ്യാപിച്ചു.