ഘാന താരം കമാൽദീൻ സുലൈമാനയെ സ്വന്തമാക്കാൻ സതാംപ്ടണുമായി അറ്റലാന്റ പൂർണ്ണ ധാരണയിലെത്തി. 17.5 ദശലക്ഷം യൂറോ അഞ്ച് വർഷം കൊണ്ട് തവണകളായി നൽകുന്നതിനു പുറമെ, പ്രകടനത്തെ ആശ്രയിച്ച് 4 ദശലക്ഷം യൂറോയുടെ അധിക ബോണസുകളും 15% സെൽ-ഓൺ ക്ലോസും കരാറിലുണ്ട്.
23 വയസ്സുകാരനായ സുലൈമാന 2029 വരെ നാല് വർഷത്തെ കരാറിൽ ഒപ്പുവെച്ചു. ഒരു വർഷത്തേക്ക് കൂടി കരാർ നീട്ടാനുള്ള ഓപ്ഷനുമുണ്ട്. അവധി വെട്ടിച്ചുരുക്കി അക്രയിൽ നിന്ന് ബെർഗാമോയിലേക്ക് മെഡിക്കലിനായി അദ്ദേഹം യാത്ര തിരിക്കും.
2023-ൽ 25 ദശലക്ഷം യൂറോക്ക് സതാംപ്ടണിൽ ചേർന്ന സുലൈമാനക്ക് 2024–25 സീസൺ അത്ര മികച്ചതായിരുന്നില്ല. ക്ലബ്ബ് പ്രീമിയർ ലീഗിൽ നിന്ന് തരംതാഴ്ത്തപ്പെട്ട സീസണിൽ രണ്ട് ഗോളുകളും മൂന്ന് അസിസ്റ്റുകളും മാത്രമാണ് അദ്ദേഹം നേടിയത്.