ഏഷ്യകപ്പിനായുള്ള ഇന്ത്യയുടെ പുതിയ ജേഴ്സി എത്തി

Newsroom

Download the Fanport app now!
Appstore Badge
Google Play Badge 1

ഏഷ്യ കപ്പിന് മുന്നോടിയായി ഇന്ത്യൻ ഫുട്ബോൾ ടീം പുതിയ ജേഴ്സി പ്രകാശനം ചെയ്തു. ദീർഘകകാലമായി ഇന്ത്യൻ ഫുട്ബോളിന്റെ ജേഴ്സി ഒരുക്കുകയായിരുന്ന നൈകുമായുള്ള കരാർ അവസാനിപ്പിച്ച് പുതിയ കമ്പനിയുമായി സഹകരിച്ചാണ് ഇന്ത്യ പുതിയ ജേഴ്സി ഇറക്കിയിരിക്കുന്നത്. six5six എന്ന കമ്പനിയുമായാണ് കരാറിൽ എത്തിയിരിക്കുന്നത്.

കേരള ബ്ലാസ്റ്റേഴ്സിന് ഈ സീസണിൽ ജേഴ്സി ഒരുക്കിയത് six5six എന്ന കമ്പനി തന്നെ ആയിരുന്നു. ഏഷ്യാ കപ്പിനായായിരിക്കും Six5sixലൂടെ ഇന്ത്യൻ ടീമിന്റെ ആദ്യ ജേഴ്സി എത്തുക. പുതിയ ജേഴ്സി ഇന്ന് ഇന്ത്യൻ താരങ്ങളും പരിശീലകനും അണിനിരന്ന ചടങ്ങിൽ പുറത്ത് ഇറക്കി. നീലയും ഒപ്പം കൈകളിൽ കടുവയെ സൂചിപ്പിക്കുന്ന ഷേഡുകളുമായാണ് ഇന്ത്യൻ ജേഴ്സി എത്തുന്നത്. ഹോം, എവേ, ട്രെയിനിങ് കിറ്റുകൾ എന്നിവ ഇന്ന് പുറത്ത് ഇറക്കി.

2011 ശേഷം ആദ്യമായാണ് ഇന്ത്യൻ ടീം ഏഷ്യാകപ്പിൽ പങ്കെടുക്കുന്നത്. അവസാന 12 വർഷമാായി നൈക് ആയിരുന്നു ഇന്ത്യയുടെ കിറ്റ് പാട്ണർ. 2006ൽ ആയിരുന്നു അഡിഡാസുമായുള്ള കരാർ അവസാനിപ്പിച്ച് ഇന്ത്യ നൈകുമായി കരാർ ഒപ്പിട്ടത്.