ചൈനീസ് സൂപ്പർ ലീഗിലെ താരങ്ങളോടൊക്കെ ശമ്പളം കുറയ്ക്കാൻ ചൈനീസ് എഫ് എ ആവശ്യപ്പെട്ടു. വാങ്ങുന്ന ശമ്പളത്തിന്റെ 30 ശതമാനം എങ്കിലും വേണ്ടെന്നു വെക്കണം എന്നാണ് ചൈനീസ് എഫ് എ ആവശ്യപ്പെട്ടിരിക്കുന്നത്. ഈ വർഷം മുഴുവനായി ശമ്പളത്തിന്റെ 30 ശതമാനം നൽകണമെന്നാണ് എഫ് എയുടെ ആവശ്യം. ലോകത്തു തന്നെ താരങ്ങൾക്ക് ഏറ്റവും കൂടുതൽ ശമ്പളം നൽകുന്ന ലീഗാണ് ചൈനീസ് സൂപ്പർ ലീഗ്.
ഫെബ്രുവരിയിൽ ആയിരുന്നു ചൈനീസ് ലീഗ് തുടങ്ങേണ്ടത്. കൊറോണ വന്നതിനാൽ ആദ്യമായി നിർത്തി വെക്കേണ്ടി വന്ന ലീഗ് ചൈനീസ് ലീഗായിരുന്നു. ഇപ്പോൾ ജൂലൈ ആദ്യത്തിൽ ലീഗ് തുടങ്ങാനാകും എന്ന പ്രതീക്ഷയിലാണ് ചൈന നിൽക്കുന്നത്.