കൊറോണ ആദ്യം എത്തിയത് ചൈനയിൽ ആയിരുന്നു. അതുകൊണ്ട് തന്നെ ചൈനീസ് സൂപ്പർ ലീഗ് ആയിരുന്നു ആദ്യം മുടങ്ങിയ ഫുട്ബോൾ ലീഗും. ഫെബ്രുവരി അവസാനം തുടങ്ങേണ്ടിയിരുന്ന പുതിയ ചൈനീസ് സൂപ്പർ ലീഗ് സീസൺ ഇതുവരെ തുടങ്ങാൻ ആയിട്ടില്ല. എന്നാൽ അവസാനം ചൈനയിൽ നിന്ന് നല്ല വാർത്തകൾ വരികയാണ്.
ജൂൺ അവസാനത്തോടെയോ ജൂലൈ ആദ്യ വാരത്തിലോ ചൈനീസ് സൂപ്പർ ലീഗ് തുടങ്ങിയേക്കും എന്നാണ് വാർത്തകൾ. ഇത് സംബന്ധിച്ച് ചൈനീസ് ക്ലബുകളും സൂചനകൾ നൽകുന്നുണ്ട്. സീസൺ ചുരുക്കില്ല എന്നും മുഴുവൻ മത്സരങ്ങളും പൂർത്തിയാക്കുന്ന തരത്തിൽ തന്നെയാകും ലീഗ നടക്കുക എന്നും ചൈനയിൽ നിന്ന് റിപ്പോർട്ടുകൾ വരുന്നു.
