ചെന്നൈയിന്റെ ഹോം അഹമ്മദാബാദിൽ ആകുന്നതിൽ പ്രതിഷേധവുമായി ആരാധകർ. ചെന്നൈയിന്റെ എ എഫ് സി കപ്പ് മത്സരങ്ങൾക്കായാണ് അഹമ്മദാബാദിലെ ട്രാൻസ്റ്റേഡിയ ഹോം ഗ്രൗണ്ടാക്കി ഉപയോഗിക്കാൻ ചെന്നൈയിൻ തീരുമാനിച്ചിരിക്കുന്നത്. ചെന്നൈയിന്റെ ചരിത്രത്തിലെ തന്നെ ഏറ്റവും വലിയ മത്സരങ്ങളാണ് എ എഫ് സി കപ്പിൽ നടക്കാൻ പോകുന്നത്. ആ മത്സരങ്ങൾ കാണാൻ പറ്റില്ല എന്നതാണ് ചെന്നൈയിൻ ആരാധകരെ രോഷാകുലരാക്കുന്നത്.
ചെന്നൈയിൽ നിന്ന് 1800 കിലോമീറ്റർ ദൂരെയാണ് അഹമ്മദബാദ്. ഹോം മത്സരം കാണാൻ തങ്ങൾ ഇത്ര അധികം ദൂരെ പോകണം എന്നാണൊ ക്ലബ് പറയുന്നത് എന്ന് ആരാധകർ ചോദിക്കുന്നു. എന്നാൽ ഈ തീരുമാനം സാമ്പത്തികവുമായി ബന്ധപ്പെട്ടതാണെന്ന് ചെന്നൈയിൻ പറയുന്നു. ഇതിൽ മാറ്റം ഉണ്ടാവില്ല എന്നും ചെന്നൈയിൻ അറിയിച്ചു. ചെന്നൈയിൻ നേരത്തെ തങ്ങളുടെ യോഗ്യതാ മത്സരം ട്രാൻസ്റ്റേഡിയയിൽ വെച്ച് കളിച്ചിരുന്നു.
ഏപ്രിൽ മൂന്ന് മുതൽ ആണ് ചെന്നൈയിന്റെ എ എഫ് സി കപ്പ് ഗ്രൂപ്പ് മത്സരങ്ങൾ ആരംഭിക്കുന്നത്.
