ചെന്നൈ സിറ്റിയുടെ അടുത്ത രണ്ട് എ എഫ് സി കപ്പ് മത്സരങ്ങളും നീട്ടി വെച്ചു. എ എഫ് സി കോൺഫെഡറേഷൻ അവരുടെ കീഴിൽ വരുന്ന ഏപ്രിൽ അവസാനം വരെയുള്ള മത്സരങ്ങൾ കൊറോണ ഭീതിയെ തുടർന്ന് മാറ്റിവെക്കാൻ തീരുമാനിച്ചിരുന്നു. ഇതാണ് എ എഫ് സി കപ്പ് മത്സരങ്ങളിലും മാറ്റം വരാൻ കാരണം. ഏപ്രിൽ15ന് മാൽഡീവ്സ് ക്ലബായ ടി സി സ്പോർട്സിനെയും, ഏപ്രിൽ 29ന് ബംഗ്ലാദേശ് ക്ലബായ ബസുന്ദര കിങ്സിനെയും ആയിരുന്നു ചെന്നൈ സിറ്റി നേരിടേണ്ടിയിരുന്നത്.
ഇനി ഈ രണ്ടു മത്സരങ്ങളും എപ്പോൾ നടക്കുമെന്ന് എ എഫ് സി പുതിയ ഫിക്സ്ചർ പ്രഖ്യാപിക്കും. എ എഫ് സി കപ്പിലെ ഗ്രൂപ്പ് ഘട്ടത്തിലെ ആദ്യ മത്സരത്തിൽ ചെന്നൈ സിറ്റി മാസിയയോട് സമനില വഴങ്ങിയിരുന്നു.
