ഏഷ്യാ കപ്പ് സാധ്യതാ ടീം പ്രഖ്യാപിച്ചു, സഹൽ അബ്ദുൽ സമദ് ടീമിൽ

ഏഷ്യാ കപ്പിനായുള്ള 34 അംഗ സാധ്യതാ ലിസ്റ്റ് ഇന്ത്യൻ പരിശീലകൻ കോൺസ്റ്റന്റൈൻ പ്രഖ്യാപിച്ചു. ജനുവരി ആദ്യ വാരം യു എ ഇയിൽ വെച്ചാണ് ഏഷ്യാ കപ്പ് നടക്കുന്നത്. ടീമിൽ ഏറ്റവും സന്തോഷം തരുന്ന കാര്യം കേരള ബ്ലാസ്റ്റേഴ്സ് യുവതാരം സഹൽ അബ്ദുൽ സമദ് ഈ 34 അംഗ ടീമിൽ ഉൾപ്പെട്ടിട്ടുണ്ട് എന്നതാണ്. ഇതാദ്യമായാണ് സഹൽ ഇന്ത്യൻ ക്യാമ്പിൽ എത്തുന്നത്.

കേരള ബ്ലാസ്റ്റേഴ്സിനായി ഈ സീസണിൽ നടത്തിയ പ്രകടനമാണ് സഹലിനെ കോൺസ്റ്റന്റൈന്റെ കണ്ണിൽ പെടുത്തിയത്. കേരള ബ്ലാസ്റ്റേഴ്സിന്റെ മോശം സീസണിലും സഹൽ വലിയ പോസിറ്റീവ് ആയിരുന്നു. സഹലിനെ കൂടാതെ ദേശീയ ടീമിലെ സ്ഥിരം മലയാളി സാന്നിദ്ധ്യങ്ങളായ അനസ് എടത്തൊടികയും ആഷിഖ് കുരുണിയനും ടീമിൽ ഉണ്ട്.

മികച്ച പ്രകടനം നടത്തിക്കൊണ്ട് ഇരിക്കുന്ന ജോബി ജസ്റ്റിന് ദേശീയ ടീമിലേക്ക് ക്ഷണം കിട്ടുമെന്ന് പ്രതീക്ഷിച്ചു എങ്കിലും അതുണ്ടായില്ല. ഏഷ്യാ കപ്പിനായുള്ള ക്യാമ്പ് അടുത്ത ആഴ്ച ആരംഭിക്കും. ഏഷ്യാ കപ്പിന് മുമ്പ് രണ്ട് സൗഹൃദ മത്സരങ്ങളും ഇന്ത്യ കളിക്കും.

Goalkeepers: Gurpreet Singh Sandhu, Amrinder Singh, Arindam Bhattacharya, Vishal Kaith

Defenders: Pritam Kotal, Sarthak Golui, Sandesh Jhingan, Anas Edathodika, Salam Ranjan Singh, Subhasish Bose, Narayan Das, Nishu Kumar, Lalruatthara, Jerry Lalrinzuala.

Midfielders: Udanta Singh, Nikhil Poojary, Pronay Halder, Rowllin Borges, Anirudh Thapa, Vinit Rai, Halicharan Narzary, Ashique Kuruniyan, Germanpreet Singh, Bikash Jairu, Lallianzuala Chhangte, Sahal Samad, Komal Thatal, Jackichand Singh.

Forwards: Sunil Chhetri, Jeje Lalpekhlua, Sumeet Passi, Farukh Choudhary, Balwant Singh, Manvir Singh